Posted: 08/12/2012 02:01 PM IST

        హైదరాబాద్ బంజారాహిల్స్ శ్రీలక్ష్మినరసింహస్వామి ఆలయం వివాదంపై మంత్రి దానం నాగేందర్, హోంమంత్రి సబితా ఇంద్రారెడ్డి ల మధ్య తలెత్తిని వివాదం ముఖ్యమంత్రి వద్దకు చేరింది. ఇరువురు మంత్రులతో విడివిడా చర్చించిన సీఎం వారి మధ్య నెలకొన్న వివాదానికి ముగింపు పలికారు.  హోంమంత్రి సబితా ఇంద్రారెడ్డి ముఖ్యమంత్రిని కలిసి దేవాలయల వివాదంపై సిఎంతో చర్చించారు. శుక్రవారం రాత్రి సీఎంను క్యాంపు కార్యాలయంలో మంత్రి దానం కలువగా, నిన్న హోమంత్రి సబితా సిఎంను కలిశారు. తనపై దానం చేసిన వ్యాఖ్యలపై ఆమె కిరణ్  దృష్టికి తీసుకెళ్లారు.
 
         అసలు వివాదానికి గల కారణాలేంటని ... సిఎం అడిగి తెలుసుకున్నారు. పార్టీకి చెడ్డ పేరు తేవద్దని ముఖ్యమంత్రి ఇద్దరు మంత్రులకు సూచించినట్లు సమాచారం. దానంపై నమోదైన కేసుల విషయంపై కూడా హోంమంత్రితో సిఎం చర్చించినట్టు  సమాచారం. మరోవైపు సీఎం కిరణ్ తో క్యాంపు కార్యాలయంలో మంత్రి దానం నాగేందర్ భేటీ అయ్యారు. హరే కృష్ణ మూమెంట్ ట్రస్టుకు సంబంధించిన జీవోను రద్దు చేయాలని సీఎంను కోరానని దానం నాగేందర్ స్పష్టం చేశారు. హోంమంత్రిపై తాను ఉద్దేశ్య పూర్వకంగా ఎలాంటి వ్యాఖ్యలు చేయలేదని,వారి కుటుంబంతో తనకు ముప్నై యేండ్ల అనుభందం ఉందని చెప్పుకొచ్చారు.
 
         తమ మధ్య చిచ్చుపెట్టేందుకు కొందరు ప్రయత్నిస్తున్నారని ఆరోపించారు. మరోవైపు దానం తనకు సోదరుడిలాంటి వారని హోంమంత్రి సబితాఇంద్రారెడ్డి చెప్పారు. దానం నియోజకవర్గంలో బస్తీ వాసులు ఉన్నారని... వారి సమస్యలను ఆయన పరిష్కారం చేస్తుంటే.... తాను లా అండ్ ఆర్డర్ సమస్యలు తలెత్తకుండా  చూస్తున్నానన్నారు. మొత్తానికి ఇద్దరు మంత్రుల మధ్య తలెత్తిన వివాదం ముఖ  ్యమంత్రి చొరవతో ముగిసింది. దీంతో రెండు రోజులగా వార్తల్లోకెక్కిన వివాదానికి తెరపడినట్లైంది.

...avnk