Posted: 06/12/2012 03:27 PM IST

దేశ రాజకీయాల్లో  కాంగ్రెస్ పార్టీ కొత్త ఒరవడి చూపిస్తుంది.  కాంగ్రెస్ పార్టీ కీలకమైన నిర్ణయాలు తీసుకోవటానికి  రెఢీ అయినట్లు తెలుస్తుంది. ఇప్పటికే  రాష్ట్రపతి పదవి కోసం అనేక మంది క్యూ కట్టిన విషయం తెలిసిందే. కొన్ని పార్టీలైతే ఏకంగా  రాష్ట్రపతి అభ్యర్థికి మద్దతు ఇస్తున్న పేర్లు కూడా  చెప్పటం జరిగింది. అయితే కాంగ్రెస్  అధిష్టానం మాత్రం మౌనం వహిస్తు అన్ని విషయాలను  గమనిస్తుంది.  దేశ పరిస్థితులు  ద్రుష్టిలో పెట్టుకొని కాంగ్రెస్ పార్టీ రాష్ట్రపతి  అభ్యర్థిని నియమించే పనిలో బిజీగా ఉందని మీడియా వర్గాలు అంటున్నాయి.

అయితే ఇప్పుడు పేర్లు కంటే .. తెర పైకి కొత్త పేరు రావటంతో.. మిగిలిన పార్టీలు ఆలోచనలో పడినట్లు తెలుస్తుంది.  రాష్ట్రపతి అభ్యర్థిగా  యూపిఏ తరపు  నుంచి ఇప్పటి  వరకూ ఆర్థిక మంత్రి ప్రణబ్  ముఖర్జీ  పేరు ప్రముఖంగా వినపడుతున్న విషయం తెలిసిందే. అయితే  తాజాగా  ప్రధాన మంత్రి  మన్మోహన్ సింగ్  పేరు తెరపైకి  వచ్చినట్లు  రాజకీయ వర్గాలు, మీడియా వర్గాలు  దీనిపై పెద్ద  ఎత్తున ఊహాగానాలు  సాగుతున్నాయి.

ఇప్పటి వరకు  ప్రణబ్  తరువాత  ఉపరాష్ట్రపతి  హిమీద్  అన్సారీ , లోక్ సభ  స్పీకర్ మీరా కుమార్  రాష్ట్రపతి పదవి రేసులో  ఉన్నారు.  అయితే హఠాత్తుగా  మన్మోహన్ సింగ్  పేరు రాష్ట్రపతి పదవి రేసులోకి రావటంతో షాక్ తిన్నారట.  అయితే మన్మోహన్ సింగ్  పేరు దేశ రాజధానిలో  బలంగా  వినిపిస్తోందని  మీడియా వర్గాలు అంటున్నాయి.  కాంగ్రెస్  పార్టీ  మన్మోహన్  సింగ్ ను  రాష్ట్రపతిని  చెయ్యటానికి సిద్దంగా ఉన్నట్లు తెలుస్తుంది.  ప్రధాని  మన్మోహన్ సింగ్  రాష్ట్ర పతి పదవి దక్కితే.. ప్రధాన మంత్రి సీటు ఖాళీ అవుతుంది. కాబట్టి దాని పై కూడా ఒక నిర్ణయానికి వచ్చినట్లు రాజకీయ వర్గాలు అనుకుంటున్నాయి.  రాష్ట్రపతి పదవి  మన్మోహన్ సింగ్ తో  భర్తీ చేసి, ప్రధాన మంత్రి స్థానంలో  ఆర్థిక మంత్రి ప్రణబ్ ముఖర్జీని  నియమిస్తారనే  ఉహాగానాలు  ..ఢిల్లీ లో చక్కర్లు కొడుతున్నాయి.   ఆ తరువాత ప్రణబ్ మంత్రివర్గంలో  కాంగ్రెస్  ఆశాకిరణం  రాహుల్  గాంధీకి  చోటు కల్పిస్తారని  .. రాజకీయ వర్గాలు అంటున్నాయి.