Posted: 05/21/2012 08:33 PM IST

ఎప్పుడు జోస్యం చెప్పే లగడపాటి  ఈసారి మాత్రం కొంచెం వెరైటీ చూపించాడు.  ఈ సారి  జోస్యం వదిలేసి  పాత పదాలకు కొత్త నిర్వచనాలు  చెప్పటం మొదలు పెట్టాడట.  అదీ ఎవరి మీదోనో కాదు ..ఏకంగా లక్ష కోట్లు  అక్రమంగ అవినీతి డబ్బు సంపాదించిన  జగన్ కు నిర్వచనం చెబుతున్నాడట. ఇప్పుడు జగన్ లగడపాటి రెచ్చిపోయి.. కొత్త నిర్వచనలు  మీడియా చెబుతున్నాడట.

వైఎస్ జగన్‌మోహన్‌రెడ్డిని పిల్ల్లవాడిగా భావించి ఇన్ని రోజులు కేంద్రంలోని, రాష్ట్రంలోని కాంగ్రెస్ పార్టీ నేతలు నోరెత్తలేదని విజయవాడ ఎంపీ లగడపాటి రాజగోపాల్ అన్నారు. జగన్ నెల రోజుల్లోగా అరెస్టు కావడం ఖాయమని చెప్పారు. తన తండ్రి హయాంలో కాంగ్రెస్ టిక్కెట్‌పై ఎంపీ అభ్యర్థిగా గెలిచిన జగన్.. కాంగ్రెస్ పార్టీకి వెన్నుపోటు పొడిచి కొత్త పార్టీ పెట్టారన్నారు. కాంగ్రెస్ పార్టీని దూషించినా, సోనియాపై నిందలు మోపినా జగన్ మారతాడని ఇన్నాళ్లూ సహనం, ఓర్పుతో ఉన్నామని.. ఇక ఊరుకునేది లేదని హెచ్చరించారు.

జగన్ పార్టీ జెండాలో కాంగ్రెస్ పథకాలే తప్ప తన సొంత పథకాలు లేవన్నారు. అవసరమైతే కాంగ్రెస్ ప్రభుత్వం ప్రవేశపెడుతున్న వాటిలో మరికొన్ని పథకాలను కూడా జెండాలో చేర్చుకోవాలని సూచించారు. జగన్ ఓ నియంతలా వ్యవహరిస్తూ కడపలో తానే ముఖ్యమంత్రినని ప్రకటించుకోవడం విడ్డూరంగా ఉందన్నారు. బీసీల అంటే తనకు ప్రేమని, ఎస్సీలంటే అమిత ప్రేమని జగన్ అంటున్నారని, కానీ జగన్ ఆలోచనల్లో బీసీలు అంటే బ్రీఫ్‌కేసులు.. ఎస్సీలు అంటే సూట్‌కేసులు అని అర్థమంటూ లగడపాటి అభివర్ణించారు. తండ్రి అధికారాన్ని అడ్డుపెట్టుకుని వేలకోట్లు అక్రమంగా సంపాదించిన జగన్.. నెలరోజుల్లోగా అరెస్టు కావడం ఖాయమని ఆయన చెప్పారు.

రాష్ట్రంలో ప్రస్తుతం కాంగ్రెస్ పార్టీకి అనుకూల వాతావరణం ఉందన్నారు. నెల్లూరు ఎంపీ, ఉదయగిరి ఎమ్మెల్యే స్థానాలను కాంగ్రెస్ కైవసం చేసుకుంటుందన్నారు. తమకు ఎదురులేదని విర్రవీగుతున్న మేకపాటి సోదరులకు ప్రజలు ఈ ఎన్నికల్లో తగిన బుద్ధి చెబుతారన్నారు. పెళ్లికి, చావుకు తేడా లేకుండా జగన్ పర్యటనలు చేస్తున్నారని ఆయన ఎద్దేవా చేశారు. జగన్ పత్రికలో కోట్ల రూపాయలు పెట్టుబడిన వారు జైలు పాలవుతుంటే దోచుకొని దాచుకున్న వారు బహిరంగంగా తిరుగుతున్నారన్నారు. వారు కూడా త్వరలోనే కటకటాల వెనక్కి వెళ్తారన్నారు.