Posted: 04/11/2012 07:04 PM IST

టాలీవుడ్ టాప్ హిట్స్‌లో ‘రచ్చ’ ఒకటిగా నిలవడం ఆనందంగా ఉంది. తొలి మూడ్రోజుల్లోనే 15 కోట్ల షేర్ వసూలు చేసిందీ సినిమా. ఎన్ని కష్టాలు ఎదురైనా వెనకడుగు వేయకుండా కసిగా చరణ్ ఇందులో నటించారు. చిరంజీవిగారు కూడా ఈ సినిమా విషయంలో ప్రత్యేక శ్రద్ధ చూపించడంతో అనుకున్న సమయానికి విడుదల చేయగలిగాం.

మెగా సూపర్‌గుడ్‌ బేనర్‌లో ఎన్నో సినిమాలు తీశాం. ఇంత పెద్ద చిత్రం చేయడం ఇదే మొదటిసారి. మా బేనర్‌లో ఇంతవరకు రాని కలెక్షన్లు ఈ సినిమాతో వచ్చాయి. ఈ విజయం చిరంజీవి అభిమానుల విజయమని చెప్పారు. తమిళంలో ‘రగలై’ పేరుతో 280 థియేటర్లలో 6న సినిమాను విడుదల చేశాం. తొలిరోజు అన్నీ హౌస్‌ఫుల్సే

చిరంజీవి తనయుడు రామ్‌ చరణ్‌ నటించిన ‘రచ్చ’ సినిమా ఈ నెల 5న విడుదలైంది. విడుదలైన 3 రోజుల్లోనే రూ. 15 కోట్ల షేర్‌ వచ్చిందని చిత్ర నిర్మాతల్లో ఒకరైన ఎన్వీప్రసాద్‌ తెలియజేశారు. రామ్‌ చరణ్‌, తమన్నా జంటగా నటించిన ఈ సినిమాకు సంపత్‌నంది దర్శకుడు. ఏమైంది ఈ వేళ- సినిమా చేశాక రామ్‌ చరణ్‌ సినిమాకు ఆఫర్‌ రావడం చాలా అదృష్టంగా భావిస్తున్నానని సంపత్ అన్నారు. ఈ చిత్ర కథను చిరంజీవికి చెప్పాను. ఆయన మొదటి నుంచి ఎంతో సహకరించారు. ఆయన అంగీకరించకపోతే ఈ సినిమానే లేదని దర్శకుడు సంపత్‌నంది చెప్పారు.

సంపత్ మాట్లాడుతూ… నేను ఏదో పెద్ద కళాఖండం తీయలేదు. కమర్షియల్‌ సినిమా తీశానని చెప్పగలను. మొదట్లో ఈ సినిమా తీసేటప్పుడు ఎన్నో టాపిక్‌లు వచ్చాయి. సినిమా విడుదలకు ముందు కూడా కామెంట్లు వచ్చాయి. ‘‘నిర్మాణం సమయంలో ఈ సినిమా గురించి రకరకాలుగా మాట్లాడుకున్నారు. ఈ సినిమా విడుదలైన నాటినుంచి అందరూ నన్ను ‘పెద్ద డెరైక్టర్ అయిపోయావ్’ అంటున్నారు. నన్ను ఈ స్థాయికి తెచ్చింది మెగా సూపర్‌గుడ్ టీమ్. వారికి నా కృతజ్ఞతలు. ‘రచ్చ’ విజయానికి ప్రధాన కారణం రామ్‌చరణ్. నా దృష్టిలో రచ్చ అంటే రామ్‌చరణ్... రామ్ చరణ్ అంటే రచ్చ’’ అని సంపత్‌నంది చెప్పారు. ఇంకా వాకాడ అప్పారావు, సమీర్‌రెడ్డి, ఆనంద్‌సాయి, గౌతంరాజు తదితరులు ఈ కార్యక్రమంలో పాల్గొన్నారు. రిలీజ్‌ తర్వాత రచ్చ సత్తా ఏమిటో చూపించింది. అద్భుతమైన హిట్‌ ఇచ్చారు ప్రేక్షకులు అని చెప్పారు.