Posted: 04/10/2012 01:32 PM IST

అందితే జుట్టు, అందకపోతే కాళ్లు. ఈ సామెతను బాగా ఫాలో అవుతున్నాడు బాలీవుడ్ రాక్ స్టార్ రణబీర్ కపూర్. తన ఎక్స్ గాళ్ ఫ్రెండ్ కు మళ్లీ దగ్గర కావడానికి తెగ ట్రై చేస్తున్నాడు. ఇటీవల జరిగిన ఓ అవార్డ్ ఫంక్షన్లో రణబీర్ ఏకంగా దీపిక పదుకొనే కాళ్లు పట్టుకుని కలకలం రేపాడు. ఒక్కసారిగా షాక్ తిన్న దీపికా.... తర్వాతా లైట్ గా తీసుకుని బైబై చెప్పింది.

అందరూ టీ20 క్రికెట్ పోటీల వీక్షణలో బిజీబిజీగా ఉంటే రణ్‌బీర్ కపూర్ మాత్రం టీ20 ఫుట్‌బాల్‌పై దృష్టి పెట్టాడు. పెప్సీ సమర్పిస్తున్న ఈ కొత్తరకం క్రీడలో విరివిగా పాలుపంచుకోవాలని యువతను అభ్యర్థించాడు. తన ప్రచారం ఈ క్రీడాభివృద్ధికి తప్పకుండా ఉపకరిస్తుందని పెప్సీ సంస్థకు ప్రచారకర్త కూడా అయిన రణ్‌బీర్ నమ్ముతున్నాడు. టీ20 ఫుట్‌బాల్ పేరుతో పెప్సీ ఈ లీగ్‌ను మొదలుపెట్టింది. ఔత్సాహిక క్రీడాకారులకు ఇందులో ఆడడానికి అవకాశం ఉంటుంది. విజేతలు భారత క్రికెటర్లతో జరిగే మ్యాచ్‌లో పాల్గొనవచ్చు. అంతర్జాతీయస్థాయి కోచ్‌తో వీరికి శిక్షణ ఇస్తామని పెప్సీ ప్రకటించింది. ‘ఈ క్రీడకు పెప్సీ మనదేశంలో విస్తృత ప్రచారం కల్పిస్తున్నందుకు ఫుట్‌బాల్ ప్రేమికుడిగా నేనెంతో ఆనందిస్తున్నాను. ఈ ప్రచార కార్యక్రమంలో భాగస్తుడిని అయినందుకు ఎంతో సంతోషంగా ఉంది.

భారత యువత ఈ కొత్తరకం క్రీడను ఆస్వాదిస్తుందన్న నమ్మకం ఉంది’ అని ఈ కుర్రహీరో చెప్పాడు. 14-30 ఏళ్ల మధ్య వయసున్న వారెవరైనా ఈ పోటీలో పాల్గొనవచ్చు. చెన్నయ్, బెంగళూరు, కోల్‌కతా, ముంబై, లక్నో, లూధియానా, న్యూఢిల్లీ నగరాల యువత తమ పేర్లను ఈ నెల 10లోగా నమోదు చేసుకొని రంగంలోకి దిగవచ్చు. ‘భారత క్రికెటర్లు, సినీతారలు, అంతర్జాతీయ ఫుట్‌బాల్ క్రీడాకారులు పాల్గొంటున్నందున ఈ క్రీడా సంరంభం అత్యద్భుతంగా ఉంటుంది. జాతి మొత్తం ఈ వేడుకలను ఆస్వాదిస్తుంది’ అని పెప్సీ ఉన్నతాధికారి హోమీ బట్టివాలా అన్నారు. ప్రతి నగరం నుంచి 64 జట్లను ఎంపిక చేసి 20 నిమిషాల వ్యవధి గల మ్యాచ్‌లు నిర్వహిస్తారు. సెమీ ఫైనల్స్‌కు చేరిన 32 జట్లు ఫైనల్స్‌లో ఆడతాయి. ప్రతి నగరం నుంచి గెలుపొందిన జట్లతోపాటు వైల్డ్‌కార్డ్ ఎంట్రీ జట్టు ‘గేమ్ చేంజర్స్’గా ఆవిర్భవిస్తాయి. వీరు గ్రాండ్ ఫినాలేలో భారత క్రికెటర్లతో తలపడడానికి వీలుగా అంతర్జాతీయ ఫుట్‌బాల్ కోచ్‌తో శిక్షణ ఇప్పిస్తారు

రణ్ బీర్ కపూర్ కి రెండు ఫేవరిట్ వాహనాలున్నాయి. ఒకటి హార్లీడేవిడ్సన్ బైక్. రెండోది.. స్పొర్ట్స్ కారు. బైక్ ని సంజూ (సంజయ్ దత్) అన్నయ్య నాకు బహుమతిగా ఇచ్చాడు. పగటిపూట ముంబై రోడ్లపై దానితో డ్రైవ్ కి వెళ్తే.. అంతే. అసలే ట్రాఫిక్ జామ్ లు అందుకే దాన్ని రాత్రిపూట డ్రైవ్ చేస్తుంటాను. నారకు స్పోర్ట్స్ కార్లన్నా చాలా ఇష్టం. నా సొంత సంపాదనతో కొనుక్కున్న ఓబ్రాండెడ్ కారుంది. దాన్నీ అర్థరాత్రి పూటే డ్రైవింగ్ చేస్తాను. కారు డ్రైవింగ్ చేస్తుంటే నాకెంతో విశ్రాంతిగా అనిపిస్తుంది.

షూటింగుల్లో బాగా అలసిపోయాను అనిపిస్తే.. ఏ రాత్రైనా ఇంటికి చేరుకోగానే నా కారేసుకుని ముంబైలో చక్కర్లు కొడతాను. అయితే, ఈ మధ్య వరుస సినిమాలు చేస్తుండటం వల్ల నా రెండు వాహనాలనూ, ఎక్కువగా ఇంట్లోనే ఉంచేయాల్సి వస్తోందని అంటున్నాడు రణబీర్.
అసలు రణబీర్ రెండు వాహనాలు ఎందుకు కొన్నాడు అంటే.. తన గాళ్ ఫ్రెండ్స్ కోసమాని తెలుస్తుంది. తన ఇద్దరి గాళ్ ఫ్రెండ్స్ కు వాహనాలు అంటే చాలా ఇష్టమాని అందుకోసమే.. రెండు వాహనాలను కొన్నట్లు తెలుస్తుంది.