Posted: 03/27/2012 12:29 PM IST

హీరో మోహన్ బాబు మొదటి కొడుకు మంచు విష్ణు హీరోగా టాలీవుడ్ పరిచయం అయిన విషయం తెలిసిందే. మంచు విష్ణు ప్రేమించి పెళ్లి చేసుకొని టాలీవుడ్ లో తన తరం వారికి ఆదర్శంగా నిలిచాడు. విష్ణు బాటలో కొంత మంది హీరోలు కూడా ప్రేమించి పెళ్లి చేసుకున్నారు, మంచు విష్ణుకు పెళ్లిన తరువాత నుండి విష్ణు సినిమాలు అంతగా ప్రజల ఆదారణ పొందలేదు. ఆ బాధలో ఉన్న విష్ణును తన కొడుకు పుట్టి ఆ బాధను దూరం చేశాడు. తండ్రి అయిన ఆనందంలో విష్ణు ఎంతో అనందంగా ఉన్నాడు. అయితే ఇటీవల విష్ణు ఏదీ చేసిన ఎదురు దెబ్బతగులుతుందట. తన నటించిన సినిమాలు పెద్దగా విజయం సాదించటం లేదని విష్ణు చాలా బాధపడుతున్నాడని టాలీవుడ్ వర్గాలు అంటున్నాయి. ఈ విషయంలో మంచు వారి ఫ్యామిలీ కూడా ..బాధపడుతున్నారని మంచు ఫ్యామిలీతో సంబంధం ఉన్నసన్నిహితులు అంటున్నారు.

‘ఢీ’ చిత్రంలో వినోదాన్ని పండించిన మంచు విష్ణు మళ్ళీ అదే తరహాలో ప్రేక్షకులను నవ్వించడానికి సిద్ధమయ్యాడు. విష్ణు, హన్సిక జంటగా జి.నాగేశ్వరడ్డి దర్శకత్వంలో 24 ఫ్రేమ్స్ ఫ్యాక్టరీ పతాకంపై తెరకెక్కుతోన్న తాజా వినోదాత్మ చిత్రం రెగ్యులర్ షూటింగ్ ఈ నెల 22 నుంచి తిరుపతి పరిసరాల్లో చిత్రీకరణ జరుపుకుంటోంది. కాగా తిరుపతి సమీపంలోని ఐతేపల్లి గ్రామంలో ఫైట్‌మాస్టర్ సెల్వ నేతృత్వంలో ఈ సినిమాకు సంబంధించిన పతాక సన్నివేశాలను చిత్రీకరిస్తుండగా చిన్న ప్రమాదం చోటుచేసుకుంది.

సన్నివేశానుగుణంగా పోరాట దృశాల్లో కొన్ని ఎడ్ల బండ్లను ఉపయోగించారు. ఒక షాటులో ఎద్దులు బెదిరి, కెమెరా సిబ్బంది మీదకు దూసుకురావడంతో ఇద్దరు కెమెరా అసిస్టెంట్లకు గాయాలయ్యాయి. రెడ్ కెమెరా పూర్తిగా ధ్వంసమైంది. గాయాలైన సిబ్బందిని వెంటనే సమీపంలోని ఆసుపవూతికి తరలించారు. ఈ ప్రమాదం జరిగిన సమయంలో కెమెరామేన్ సిద్దార్థ్‌తో పాటు విష్ణు, హన్సిక, రవిప్రకాష్ తదితర నటీనటులు వున్నారు. గాయాలైన ఇద్దరు వ్యక్తులూ క్షేమంగానే ఉన్నారని, కొంత సమయం అనంతరం తిరిగి షూటింగ్ కొనసాగిందని విష్ణు తెలిపారు.

మంచు విష్ణుకు దెబ్బ మీద దెబ్బలు తగలటంతో.. మంచు ఫ్యామిలీ ఆందోళన చెందుతుందని టాలీవుడ్ వర్గాలు అంటున్నాయి. ఇలా ఎందుకు జరుగుతుందో, ఎవరికి అర్థం కావటంలేదని మంచు కుటుంబం సభ్యులు అంటున్నారు.