Posted: 03/15/2012 01:37 PM IST

సమాజ్‌వాదీ పార్టీ యువనేత అఖిలేష్ యాదవ్ ముఖ్యమంత్రిగా ప్రమాణ స్వీకారం చేశారు. యూపీ చరిత్రలో సీఎం పీఠాన్ని అధిరోహించిన వారిలో పిన్న వయస్కుడిగా ఆయన రికార్డు సృష్టించారు. అన్ని వర్గాల వారికి ప్రాతినిధ్యం కల్పిస్తూ పాత, కొత్త ముఖాల కలయికతో కేబినెట్‌ను ఏర్పాటు చేశారు.

ప్రమాణ స్వీకార కార్యక్రమానికి అతిరథ మహారథులు తరలివచ్చారు. తాను అసెంబ్లీ నుంచి కాకుండా శాసన మండలి నుంచి ఎన్నికవుతానని అఖిలేష్‌ తెలిపారు. లోక్‌సభ సభ్యుడైన అఖిలేష్ సీఎం పగ్గాలు చేపట్టిన ఆర్నెల్లలోగా అసెంబ్లీ లేదా శాసనమండలికి ఎన్నికవాలి.
ఉత్తరప్రదేశ్ 33వ ముఖ్యమంత్రిగా అఖిలేష్‌కుమార్‌యాదవ్ ప్రమాణస్వీకారం చేశారు. ఉత్తరప్రదేశ్ రాష్ట్రానికి అతి చిన్న వయస్సు సీఎంగా అఖిలేష్ రికార్డు కెక్కాడు. అయితే అఖిలేష్ సీఎం అయిన కొన్ని నిజాలు బయటకి వచ్చాయి. ఇప్పటి వరకు ఎవరికి తెలియన నిజాలు ఈ రోజు వెలుగు చూశాయి.

ఉత్తరప్రదేశ్‌ ముఖ్యమంత్రిగా పట్టాభిషిక్తుడు కాబోతున్న సమాజ్‌వాదీ పార్టీ అధినేత అఖిలేష్‌ యాదవ్‌ ప్రమాణ స్వీకారోత్సావానికి తెలుగుదేశం పార్టీ సీనియర్‌ నేత, మాజీ మంత్రి తలసాని శ్రీనివాసయాదవ్‌కు ఆహ్వానం అందింది. ఆ మేరకు ఆయన లక్నో వెళ్లారు. నిజానికి, గత మూడు నెలల క్రితమే అఖిలేష్‌ యాదవ్‌ కొంపల్లిలో జరిగిన ఒక వివాహ కార్యక్రమానికి హాజరయ్యారు. ఉత్తరప్రదేశ్‌ యాదవ వర్గానికి చెందిన ఆ వివాహానికి వెళ్లేముందే అఖిలేష్‌ మారేడుపల్లిలోని తలసాని నివాసానికి వెళ్లారు. అక్కడ విందు కూడా స్వీకరించారు. అక్కడి నుంచి కలసే కొంపల్లిలో జరిగిన పెళ్లికి వెళ్లారు. దాదాపు ఆరు గంటల సేపు వారిద్దరూ ముచ్చటించుకున్నారు. ఎయిర్‌పోర్టు వరకూ వెళ్లి వీడ్కోలు పలికి వైనం ఆలస్యంగా వెలుగుచూసింది.

తాజాగా అఖిలేష్‌ ఉత్తరప్రదేశ్‌ ముఖ్యమంత్రిగా ఎన్నిక కావడంతో తన పదవీ ప్రమాణ స్వీకారోత్సవానికి హాజరుకా వలసిందిగా ఆయన తలసానికి ఆహ్వానం పంపించారు. ఇది పార్టీలకు సంబంధించిన వ్యవహారం కాదని, పూర్తిగా వ్యక్తిగత మైనదేనని తలసాని వ్యాఖ్యానించారు. తన మిత్రుడు ముఖ్యమంత్రి కావడం సంతోషంగా ఉందని, ఉత్తరప్రదేశ్‌ పీఠం మళ్లీ యాదవుల పరం కావడం ఒక బీసీ, ఒక యాదవుడిగా గర్వంగా ఉందని చెప్పారు.