Posted: 02/20/2012 03:33 PM IST

యంగ్ హీరో గోపీచంద్ త్వరలో ఓ ఇంటివాడవ్వబోతున్నాడని సంతోషడ్డ ఆయన అభిమానుల ఆశలు ఆవిరి అయ్యాయి. గత కొద్ది రోజుల క్రితం ప్రముఖ పారిశ్రామిక కుమార్తె అయిన హరితతో గోపీ చంద్ కు పెళ్లి నిశ్చయమయ్యంది. పెద్దలు నిర్ణయించిన ముహూర్తం ప్రకారం వీరి వివాహం ఈనెల 24న జరగాల్సి ఉంది. కానీ సడన్ గా వీరి పెళ్లి వేడుక రద్దయ్యందని తెలుస్తుంది. అయితే ఎందుకు పెళ్లి రద్దయ్యింది అనే కారణాలు ఎవరు చెప్పటంలేదు.

సినీ హీరో గోపీచంద్‌తో తన కుమార్తె వివాహం రద్దు కావడంతో తీవ్ర మనస్తాపానికి గురైన వధువు తండ్రి ఆత్మహత్య చేసుకున్నారు. హైదరాబాద్‌లోని దిల్‌సుఖ్‌నగర్‌కు చెందిన మాజీ సైనికోద్యోగి రాంబాబు(59) స్థానికంగా పూర్ణిమా ఎంటర్‌ప్రైజెస్ పేరిట ఫర్నీచర్ షాపు నిర్వహిస్తున్నారు. ఆయనకు ఇద్దరు కుమార్తెలు. పెద్ద కుమార్తెకు మూడేళ్ల క్రితం వివాహం జరిగింది. రెండో కుమార్తె హరితను నటుడు గోపీచంద్‌కు ఇచ్చి పెళ్లి చేయాలని నిర్ణయించారు. జనవరి 26న నిశ్చితార్థం కూడా జరిగింది.

ఈ నెల 24న హైటెక్ సిటీలోని హైటెక్స్‌లో పెళ్లి జరగాల్సి ఉంది. పెళ్లికార్డులూ ముద్రించేశారు. ఇంతలో ఏమైందో కానీ.. నాలుగు రోజుల క్రితం పెళ్లి రద్దు అయింది. దీంతో రాంబాబు తీవ్ర మనస్తాపానికి గురయ్యారు. ఆదివారం సాయంత్రం 4 గంటలకు తన గదికి వెళ్లిన ఆయన.. తనకు నిద్ర వస్తోం దని.. ఎవరూ డిస్టర్బ్ చేయవద్దని కుటుంబ సభ్యులకు చెప్పారు. రాత్రి 8 గంటలు కావస్తున్నా ఆయన కిందకు రాకపోవడంతో కుటుంబ సభ్యులు రాంబాబు గదికి వెళ్లారు. మంచంపై పడుకుని ఉన్న ఆయన్ను ఎంత లేపినా లేవకపోవడంతో వెంటనే చికిత్స నిమిత్తం మలక్‌పేటలోని యశోద ఆస్పత్రికి తరలించారు. అప్పటికే చనిపోయినట్లు వైద్యులు తెలిపారు. రాంబాబు విషం తాగి ఆత్మహత్య చేసుకుని ఉండొచ్చని పోలీసులు భావిస్తున్నారు. పోస్టుమార్టం నిమిత్తం మృతదేహాన్ని ఉస్మానియా మార్చురీకి తరలించారు. రాంబాబు దిల్‌సుఖ్‌నగర్ ట్రేడర్స్ యూనియన్ ప్రధాన కార్యదర్శిగా కూడా ఉన్నారు. ఆయన స్వగ్రామం గుంటూరు జిల్లా వెంగళాయపాలెం.

అయితే రాంబాబు ఆత్మ హత్య వెనుక అనేక అనుమానాలు వినిపిస్తున్నాయి. హీరో గోపీ చంద్ తో పెళ్లి రద్దు అయిన విషయం కాదని, గత వారం రోజుల నుండి రాంబాబు విచిత్రంగా ఉంటునడని ఆయన మిత్రులు అంటున్నారు.