Posted: 01/18/2012 07:53 PM IST

ధనుష్ హీరోగా నటించిన సినిమా 3, ఇందులో ధనుష్ పాడిన పాట ‘కోలవెరి...’ ఈ పాట ఎంత పాపులారిటీ సాధించిందో అందరికీ తెలిసిన విషయమే. అయితే ఇలాంటి పాపులారిటీ పాటలను కాంగ్రెస్ పార్టీ వినియోగించుకోవడం అలవాటే. గతంలో ఆంధ్రప్రదేశ్ ఎన్నికప్పుడు ‘రెహమాన్’ స్వరాలు అందించిన ‘జయ హో’ పాటను వినియోగించుకున్న విషయం తెలిసిందే. అయితే ఇప్పడు యూపీ ఎలక్షన్స్ ప్రచారంలో ధనుష్ కోలవెరి పాటను వినియోగించుకోవాలనుకుంటుందని సమాచారం.
ఈ ఎన్నికల ప్రచారానికి థీమ్ సాంగ్ గా ‘కోలవెరి’ పాటను ఉపయోగించుకోవాలని పార్టీ భావిస్తుందని, ఈ విషయాన్ని కాంగ్రెస్ ఎలక్షన్ క్యాంపేయిన్ కమిటీ అధ్యక్షుడు రాజ్ బబ్బర్ తెలిపాడు. అయితే ఈ పాటను పెట్టుకోవాలా వద్దా అనే విషయాన్ని కార్యకర్తలను అడిగిన మీదటనే దీని హక్కులను సొంతం చేసుకోవాలని చూస్తున్నామని అన్నారు.
అయితే జనాలు మాత్రం కాంగ్రెస్ పార్టీ చేసిన కుంభకోణాలకు విసుగెత్తి పోయారని, వీరు ఎంత పాపులారిటీ ఉన్న ‘కోలవెరి’ పాటలను పెట్టినా జనాలు వెర్రి వాళ్ళ లాగా ఓట్లు వేయరని అనుకుంటున్నారు. మరి కాంగ్రెస్ పార్టీ చేసే ఈ వెర్రి పనికి జనాలు ఎలా స్పందిస్తారో చూడాలి.