Posted: 01/04/2012 07:03 PM IST

సినిమా అనేదే ఒక ఆకర్షణ. జనాలని ఆకర్షించడం కోసం దర్శక నిర్మాతలు ఎన్ని పాట్లు పడతారు... సినిమా మొదలు పెట్టిన దగ్గరినుండి రిలీజ్ అయ్యే వరకు తమ సినిమా నలుగురి నోళ్ళలో నానాలని అన్ని రకాలుగా ప్రచారం చేస్తారు. ఇందులో భాగంగానే, అవసరం ఉన్నా లేకపోయినా కొన్ని పూరాతన సన్నివేశాలు, ఐటం సాంగ్ లు, అవసరం ఉన్నా లేకపోయినా విదేశాలలో సినిమా చిత్రీకరణ, ఇలాంటివి ఇంకెన్నో చేస్తుంటారు. కొన్ని ఫలిస్తాయి, మరి కొన్ని బెడిసి కొడతాయి. మరి ఈ మధ్య కాలం లో హీరో హీరోయిన్ పెదాలను కెమెరా సాక్షిగా ముద్దాడటం అనేది ఒక అలవాటుగా అయిపొయింది ఇంచు మించు ఎక్కువ శాతం సినిమాలల్లో. అల్లు అర్జున్ ఇందులో ముందు వరుస లో ఉన్నాడు. ఆర్య - 2 ఇంకా వరుడు సినిమాల్లో తన హీరోయిన్లని ముద్దాడాడు అర్జున్. అయితే పెళ్లి చేస్కున్న తరువాత, ఇక మీదట ఇలాంటి సన్నివేశాలలో నటించనని తీల్చి చెప్పేసాడు, బన్నీ. ఇక ముద్దు సన్నివేశం తో వెలుగులో కొచ్చిన మరో హీరో ప్రిన్స్ మహేష్ బాబు... అతడు సినిమాలో త్రిష ని సున్నితంగా ముద్దాడాడు... అయితే ఈ సారి, ఘాడ చుంబన సన్నివేశం లో నటించాడట... మరి ఈ సన్నివేశం చూడటం కోసం జనవరి 11 వరకు ఆగాల్సిందే. అవునండి, మహేష్ - పూరి జగన్నాథ్ ల బిసినెస్ మ్యాన్ లో హీరోయిన్ కాజల్ తో ముద్దు సన్నివేశం లో మహేష్ నటించాడని, అయితే కధ డిమాండ్ చెయ్యడం వల్లనే ఈ సన్నివేశం చిత్రీకరించవలసి వచ్చిందని, ఈ సినిమా యూనిట్ సభ్యులు అంటున్నారు.

కానీ సినిమా డిమాండ్ చేసిందని ముద్దు సన్నివేశాలు, ఐటం సాంగు పెట్టడం సమంజసమేనా? అసలు ఏ కధ అయినా కధనం మీద ఆధార పది ఉంటుంది. ఒక సన్నివేశం నుండి ఇంకొక సన్నివేశానికి కధని ఎలా తీసుకువెళతారో ముఖ్యం... అంటే కాని, చుంబన సన్నివేశాలు కధకు ఏ విధంగా ఉపయోగపడతాయి? సరే, ఈ ప్రశ్నకి తమదైన శైలి లో జవాబిచ్చే సినీ పండితులు ఎందరో ఉన్నారు... ఏమైతేనేం, బిసినేస్సమ్యాన్ కోసం మహేష్ తన వంతు కృషి చేసాడనే చెప్పాలి. ఎన్నడు లేని విధంగా ఈ సినిమా పాటలో తన స్వరం కలిపాడు, కాజల్ పెదాలని ముద్దాడాడు... మరి మహేష్ భార్య నమ్రతకి ఈ విషయం తెలుసో లేదో.