Posted: 12/30/2011 06:33 PM IST

ప్రిన్స్ మహేష్ బాబు యమ ‘దూకుడు’ మీదున్నారు. ప్రస్తుతం వరుస సినిమాలతో హల్ చల్ చేస్తున్నారు. ‘దూకుడు’తో రికార్డ్ తిరగరాసి, ‘బిజినెస్ మెన్’ తో సంక్రాంతి రేసులో దిగారు. ఈసారీ సరికొత్త రికార్డు కోసం ఉవ్విళ్ళూరుతున్నారు. ఇదే ఊపు (బిజినెస్ మెన్) తో బాలీవుడ్ లోనూ ప్రవేశానికి రంగం సిద్దం చేసుకున్నాడు.అయితే వీటన్నింటికీ మించిన ఓ శుభవార్త మరొకటి ఉంది. ప్రిన్స్ ముంబైలో ఓ నిర్మాణ సంస్థను ప్రారంభించి, సినీ నిర్మాణం సాగిస్తారనే ఆ వార్త. అక్కడ ప్రొడక్షన్ కి అనువుగా ఓ స్టూడియో ని కూడా నిర్మించే ప్రణాళికలు ఉన్నాయని విశ్వసనీయంగా తెలుస్తుంది.  అందుకు ప్రిన్స్ సతీమణి నమ్రత చాలా కాలం నుండి తెరవెనుక ప్రయత్నాలు చేస్తున్నారని, ప్రస్తుతానికి ప్రణాళికలు ఓ కొలిక్కి వచ్చాయని ఫిలింనగర్ వర్గాల సమాచారం.

అయితే సినీ జనాలు మాత్రం మహేష్ అక్కడ ఓ నిర్మాణ సంస్థను చేపట్టి అక్కడే సినిమాలు చేసుకుంటుంటాడని, అప్పుడప్పుడే తెలుగు సినిమాలు చేస్తాడని అనుకుంటున్నారు.