Posted: 12/30/2011 06:40 PM IST

సంచలనాల రామ్ గోపాల్ వర్మ ఈసారి నయనతార పై కన్నేసినట్లుగా కనిపిస్తుంది. అంతకు ముందు హాట్ హాట్ సీన్ లలో నటించిన నయనతారను బాపు ‘శ్రీరామ రాజ్యం’ చిత్రంలో సీత పాత్రను ఇవ్వడంతో తన అంగాంగ ప్రదర్శనకు స్వస్థి చెప్పాలని అనుకుంది. అయితే రామ్ గోపాల్ వర్మ మాత్రం సీత వంటి గొప్ప పాత్రను పోషించిన నయన తారను కంప్లీట్ గా చేంజ్ చేయడానికి చూస్తున్నాడు. అసలు విషయం ఏంటంటే... తర్వలో వర్మ ‘రామాయణం’ సినిమా తీస్తున్న ప్రకటించిన విషయం తెలిసిందే. తన తీయబోయేది మోడ్రన్ రామాయణ సినిమా అని, అందులో నాగార్జునను ‘రావణుడి’ పాత్రలో చూపించబోతున్నట్లు సంచలన ప్రకటన చేశాడు కూడా. అయితే ఇదంతా వర్మ పబ్లసిటీ స్టంట్ అని అనుకున్నప్పటికీ.... వర్మ మాత్రం ఈ ప్రాజెక్టుపై సీరియస్ గానే ఉన్నట్లు తెలుస్తోంది.

ఆ మధ్యన నాగార్జున ఓ ప్రెస్ మీట్ లో వర్మ రామాయణం లేదు... అవన్నీ ఉత్తుత్తి మాటలే... ఆయన గురించి మీకు తెలియదా అని అనడంతో వర్మకు కాలిందో ఏమో కానీ వర్మ ‘రామాయణం’ చేయాలని డిసైడ్ అయ్యాడట. అందుకోసం నయన తారను మండోదరి పాత్రలో డిసైడ్ చేసిన వర్మ ఈ మేరకు ఆమెతో సంప్రదింపులు జరిపాడని, నయన తార నుంచి కూడా సానుకూల స్పందనే వచ్చిందని తాజా సమాచారం. ఇక నాగార్జున విషయానికి వస్తే అతన్ని ఎలాగైనా ఒప్పిస్తాననే ధీమాతో ఉన్నాడట.

కాగా...త్వరలోనే రామ్ గోపాల్ వర్మ ఈ సినిమా గురించి ప్రెస్ రిలీజ్ చేయడానికి సిద్ధంగా ఉన్నారని అంటున్నారు. మరి ఈ వార్త ప్రెస్ మీట్ పెట్టి అనౌన్స్ చేసినా,,, షూటింగ్ మొదలయ్యే వరకు దేనిని నమ్మ కూడదని సినీ జనాలు అనుకుంటున్నారు.