స్నేహకు క్షమాపణలు చెప్పిన దర్శకుడు

Posted: 01/03/2018 12:02 PM IST

కోలీవుడ్ లో తాజాగా తలెత్తిన వివాదానికి పుల్ స్టాప్ పడింది. వెలైక్కారన్ చిత్రంలో నటి స్నేహ నటించిన సీన్లను తనకు చెప్పకుండా తొలగించటంపై ఆమె తీవ్ర అసంతృప్తి వ్యక్తం చేసిన విషయం తెలిసిందే. మీడియా అంతా ఏకమై ఆమెకు మద్దతుగా ఆ దర్శకుడు రాజా మోహన్ ను ఏకీ పడేశాయి.

అయితే దీనిపై రాజా ఎట్టకేలకు స్పందించాడు.  స్నేహతో పాటు మరికొందరు నటీనటులు చేసిన సీన్స్ ను కూడా తొలగించినట్టు ఆయన చెప్పారు. స్నేహ సీన్స్ ను తగ్గించవలసి వచ్చినందుకు తాను చాలా బాదపడ్డాననీ .. కానీ తప్పని సరి పరిస్థితుల్లో అలా చేయవలసి వచ్చిందని అన్నారు. స్నేహ మనసుకు కష్టాన్ని కలిగించినందుకు తాను క్షమాపణ చెబుతున్నాననీ, ఆమె పాత్ర నిడివి తక్కువగా ఉన్నప్పటికీ మంచి రెస్పాన్స్ వస్తోందనే అభిప్రాయాన్ని వ్యక్తం చేశారు.

కాగా, శివకార్తికేయన్ .. నయనతార జంటగా దర్శకుడు మోహన్ రాజా 'వెలైక్కారన్' సినిమాను తెరకెక్కించాడు. ఇటీవల అక్కడ విడుదలైన ఈ సినిమా హిట్ టాక్ తెచ్చుకుంది. ఈ సినిమాలో స్నేహ ఒక కీలకమైన పాత్రను పోషించారు. తన పాత్ర నిడివిని 15 నిమిషాలకి తక్కువగా కుదించడం పట్ల అసంతృప్తిని వ్యక్తం చేశారని మీడియాలో వార్తలు వచ్చిన సంగతి విదితమే. 

సినిమా హిట్టు.. స్నేహ డిస్సప్పాయింట్