ఐశ్వర్య రాయ్ కొడుకునంటూ యువకుడి హల్ చల్

Posted: 01/03/2018 12:29 PM IST

బాలీవుడ్ తార ఐశ్వర్యా రాయ్ బచ్చన్ కు ఊహించని ట్విస్ట్ ఎదురైంది. ఆమె కొడుకునంటూ ఓ వ్యక్తి మీడియాకు ఎక్కటం ఆశ్చర్యకరంగా మారింది. ఫోటోలతో ఇప్పుడు అతను చేస్తున్న హల్ చల్ అంతా ఇంతా కాదు.

విశాఖకు చెందిన సంగీత్ కుమార్ ఐష్ తన తల్లి అంటూ సంచలన వ్యాఖ్యలు చేశాడు. ఈ యువకుడి వయసు 29 సంవత్సరాలు కావడంతో అతని వీడియో ఇప్పుటు నెట్టింట హల్ చల్ చేస్తోంది. తాను ఐవీఎప్ విధానం ద్వారా ఐశ్వర్యకు 1988లో జన్మించానని ఈ వీడియోలో సంగీత్ కుమార్ చెప్పుకున్నాడు. లండన్ లో తాను జన్మించానని, తన తండ్రి పేరు అడివేలు రెడ్డి అని చెప్పాడు.

చిన్నప్పుడు ఐశ్వర్య తల్లిదండ్రులు కృష్ణరాజ్ రాయ్, వ్రిందా రాయ్ లు తనను రెండేళ్లు పెంచారని, ఆపై అడివేలు రెడ్డి, తనను విశాఖకు తీసుకు వచ్చాడని అంటున్నాడు. తనకిప్పుడు తల్లితో ఉండాలని ఉందని, ఆమే తన తల్లి అని నిరూపించే ఆధారాలు ఏవీ తనవద్ద లేదని చెబుతున్నాడు. ఇక ఈ సంగీత్ కుమార్ వ్యాఖ్యలపై పలువురు మాత్రం మండిపడుతున్నారు. ఫేమస్ అయ్యేందుకు చిల్లర కథలు పడుతున్నాడంటూ తిట్టి పోస్తున్నారు.