బాలుడి ప్రాణాలు తీసిన హిందీ సిరియల్

Posted: 12/28/2017 06:36 PM IST

సినిమాలు, సీరియళ్లు.. రియల్ లైఫ్ లో చూపించే ప్రభావం అంతా ఇంతా కాదు. మొన్నీమధ్యే ఓ భార్య ప్రియుడిని తన భర్త స్థానంలో తీసుకొచ్చేందుకు చేసిన యత్నం గురించి ఆసక్తికరంగా చర్చించుకున్నాం. ఇప్పుడు ఇటీవ‌ల ఉత్త‌ర‌ ప్ర‌దేశ్‌కి చెందిన 14 ఏళ్ల బాలుడు సీరియ‌ల్‌లో పాత్ర‌ను అనుక‌రించ‌బోయి ప్రాణాలు కోల్పోయాడు.

ఉత్త‌ర‌ప్ర‌దేశ్‌కి చెందిన 14 ఏళ్ల చిత్రంజన్ `మ‌హాకాళి` సీరియ‌ల్‌లో ఓ స‌న్నివేశాన్ని అనుక‌రించి చూపిస్తాన‌ని త‌న చెల్లి గుంజ‌న్(9) తో చెప్పాడు. ఆ స‌న్నివేశంలో అమ్మ‌వారి నాలుక బ‌య‌టికి వ‌చ్చి ఉంటుంది. అలా త‌న నాలుక కూడా వీలైనంత మేర బ‌య‌టికి తీయ‌డం కోసం చున్నీని మెడ‌కు చుట్టుకున్నాడు. ఆపై చున్నీని ఓ డోర్ కు తగిలేశాడు. అయితే అది ఎంత ప్రమాదమో ఆ బాలుడికి అప్పుడు అర్థం కాలేదు. కాసేపటికే ఉరి ప‌డి, ఊపిరాడ‌క గిలగిల కొట్టుకున్నాడు.

అక్క‌డే ఉన్న ఇద్ద‌రు పిల్ల‌లూ బ‌య‌టికి వెళ్లి పెద్ద‌వాళ్ల‌కు చెప్పి, వాళ్లు సంఘ‌ట‌న స్థలానికి వ‌చ్చేస‌రికే రంజిత్ ప్రాణాలు కోల్పోయాడు. గ‌తంలో కూడా రంజిత్ ఇలాంటి ప్ర‌య‌త్నం చేయ‌బోయాడ‌ని, అప్పుడు అత‌ని త‌ల్లి గ్ర‌హించి ఆపిన‌ట్లు తెలుస్తోంది. రెండు నెల‌ల క్రితం ఓ బాలిక, సీరియ‌ళ్ల ప్ర‌భావంతో త‌న‌ను తాను ద‌హించివేసుకున్న సంగ‌తి తెలిసిందే. కాబట్టి తల్లిదండ్రులు పిల్లల విషయంలో జాగ్రత్తగా ఉండాలని సూచిస్తున్నారు.