శాతకర్ణి ట్రైలర్ లో ఏం చూపించబోతున్నారు

Posted: 12/16/2016 12:51 PM IST

నందమూరి అభిమానులే కాదు.. యావత్ తెలుగు ప్రేక్షకులు శాతకర్ణి కోసం ఎదురు చూస్తున్నారు. ప్రతిష్టాత్మకంగా తెరకెక్కిన బాలయ్య వందో చిత్రం శాతకర్ణి ట్రైలర్ ఈరోజు సాయంత్రమే రిలీజ్ కాబోతుంది. ఇప్పటికే ఎంపిక చేసిన వంద థియేటర్లలో గ్రాండ్ గా రిలీజ్ కానుంది.

బాలయ్యతోపాటు క్రిష్, నిర్మాతలు రాజీవ్ రెడ్డి, బిబో శ్రీనివాస్ మొత్తం టీం సభ్యులంతా కోటి లింగాల రేవులో పూజా కార్యక్రమాలు నిర్వహించి, అనంతరం ట్రైలర్ లాంచ్ చేయనున్నారు. సుమారు 2 నిమిషాల 11 సెకన్ల నిడివిగల ట్రైలర్ లో అదిరిపోయే సన్నివేశాలతో రూపొందించాడు క్రిష్. టీజర్ తో పెదవి విరిచిన అభిమానులకు ట్రైలర్ ఖచ్ఛితంగా పండగ ఇవ్వబోతుందనే చిత్ర యూనిట్ చెబుతోంది.

చారిత్రక నేపథ్యంతో, ఇండియన్ గ్రేటెస్ట్ వారియర్ శాతకర్ణి జీవిత గాథగా తెరకెక్కునున్న ఈ చిత్రం నిడివి 2 గంటల 12 నిమిషాలు. నాలుగు యుద్ధ సన్నివేశాలతో బాలయ్య కెరీర్ లోనే బిగ్గెస్ట్ బడ్జెట్ సినిమాగా శాతకర్ణి రూపొందింది. ఈ నెల 24న తిరుపతిలో ఆడియో వేడుక నిర్వహించనున్నారు. సంక్రాంతి కానుకగా జనవరి 12 న శాతకర్ణి రిలీజ్ కానుంది.