అల్లు అర్జున్ కి అమ్మాయి పుట్టింది

Posted: 11/22/2016 07:53 AM IST

అల్లు వారింట లక్ష్మీ కళ నెలకొంది. స్టైలిష్ స్టార్ అల్లు అర్జున్‌, స్నేహారెడ్డి దంపతులకు సోమవారం సాయంకాలం కుమార్తె జన్మించింది. ఈ విషయాన్ని స్వయంగా బన్నీ తన వ్యక్తిగత ట్విట్టర్, ఫేస్‌బుక్‌ ఖాతాల్లో పోస్ట్ చేశాడు. ఒక అబ్బాయి, ఒక అమ్మాయితో తనకు ఎంతో ఆనందంగా ఉందని, తాను అదృష్టవంతుడినని బన్నీ తన ట్వీట్‌లో పేర్కొన్నాడు. తమను అభినందించినవారందరికీ కృతజ్ఞతలు తెలిపాడు.

కాగా, బన్నీ-స్నేహరెడ్డిలకు 2011 మార్చిలో వివాహం జరగ్గా, 2014లో బాబు పుట్టాడు. తొలి సంతానంకి అయాన్ అని పేరు పెట్టిన అల్లు అర్జున్ అప్పుడప్పుడు సోషల్ మీడియాలో ఫోటోలతో సందడి చేసేవాడు. కాగా, ఆ మధ్య తాను మరోసారి తండ్రిని కాబోతున్నానంటూ ఓ ఫోటో అప్ లోడ్ చేసి అందరి దృష్టిని ఆకర్షించాడు బన్నీ. గర్భవతిగా ఉన్న స్నేహను అయాన్ ముద్దు పెట్టుకున్న ఆ ఫోటో బాగా వైరల్ అయ్యింది.

మూడు నెలల నుంచి ఈ క్షణాల కోసమే డీజే షూటింగ్ కు హాజరుకాకుండా ఉన్న బన్నీ తన కొత్త లుక్ ను కూడా ఎక్కాడా రివీల్ చేయటం లేదు. మరి తన ముద్దుల కూతురితో ఇప్పుడైనా బన్నీ బయటపడతాడా చూద్దాం.

 

Blessed with a Baby Girl ! Soooo Happppyyyyyy right now ! One boy & one girl. Could'nt ask for more. Thank you for all the wishes. Lucky me

— Allu Arjun (@alluarjun) November 21, 2016