3 కోట్లు పొగొట్టిన ఐశ్వర్య రీఎంట్రీ

Posted: 10/31/2015 11:42 AM IST

Aishwarya rai lost 3 crores remuneration for jazbaa

బాలీవుడ్ భామ ఐశ్వర్యరాయ్ చాలా కాలం విరామం తీసుకొని ఇటీవలే ‘జజ్బా’ సినిమాతో రీఎంట్రీ ఇచ్చిన విషయం తెలిసిందే. ఈ సినిమా చేయడానికి ముందు చాలా కథలను విని, చివరకు ‘జజ్బా’కు గ్రీన్ సిగ్నల్ ఇచ్చింది. కానీ అటు సినిమా పోయింది... ఇటు ఈ అమ్మడి రెమ్యునరేషన్ కూడా పోయిందట.

ఐశ్వర్యరాయ్ సినిమా డేట్స్ దొరికితే చాలని భావించిన చాలా మంది నిర్మాతలకు నిరాశే మిగిలింది. అయితే ‘జజ్బా’ సినిమా కోసం ఈ చిత్ర నిర్మాతలు ఈ అమ్మడికి 4 కోట్ల రెమ్యునరేషన్ ఇవ్వడానికి సిద్ధమయ్యారు. భారీ అంచనాలతో రూపొందిన ఈ సినిమా ఇటీవలే విడుదలై ఘోర పరాజయాన్ని పొందింది. దీంతో చిత్ర నిర్మాతలు ఐశ్వర్యకు రెమ్యునరేషన్ కట్ చేసినట్లుగా ప్రస్తుతం బాలీవుడ్ లో గుసగుసలు వినిపిస్తున్నాయి.

‘జజ్బా’ సినిమా విడుదలకు ముందు ఐశ్వర్యరాయ్ కు అడ్వన్స్ గా 1 కోటి రూపాయలు ఇచ్చారట చిత్ర నిర్మాతలు. సినిమా విడుదలై అట్టర్ ఫ్లాప్ కావడం.. ఆ తర్వాత వసూళ్లు కూడా రాకపోవడంతో ఐశ్వర్యరాయ్ కు ఇవ్వవలసిన మిగతా 3కోట్లు ఇవ్వకుండా ఎగ్గొట్టారట. దీంతో ఐశ్వర్య కూడా తన రీఎంట్రీ సినిమా, రెమ్యునరేషన్ రెండూ కూడా తనకు మరింత బాధను కలిగిస్తున్నాయని ఫీల్ అవుతుందట.