నిఖిల్ శంకరాభరణం పాటలు విడుదల

Posted: 10/31/2015 11:43 AM IST

నిఖిల్, నందిత హీరోహీరోయిన్లుగా కోనవెంకట్ సమర్పణలో ఎం.వి.వి.సినిమా బ్యానర్ పై ఉదయ్ నందనవనం దర్శకత్వంలో ఎం.వి.వి.సత్యనారాయణ నిర్మిస్తున్న తాజా చిత్రం ‘శంకరాభరణం’. ప్రవీణ్ లక్కరాజు సంగీతం అందించిన ఈ చిత్ర ఆడియో విడుదల కార్యక్రమం నిన్న హైదరాబాద్ లో జరిగింది.

అల్లు అరవింద్ బిగ్ సిడీ, ఆడియో సిడీలను విడుదల చేసారు. తొలి సీడీని హీరోయిన్ సమంతకు అందజేసారు. ఈ కార్యక్రమంలో చిత్ర యూనిట్ తో పాటు కె.విశ్వనాథ్, అల్లు అరవింద్, వి.వి.వినాయక్, శ్రీవాస్, గోపిచంద్ మలినేని తదితరులు పాల్గొన్నారు.

ఈ కార్యక్రమానికి విచ్చేసిన ప్రతి ఒక్కరూ కూడా చిత్రం మంచి విజయం సాధించాలని కోరారు. బాలీవుడ్ లో వచ్చిన ‘ఫస్ గయా ఒబామా’ సినిమా ఆధారంగా రూపొందిన సినిమా ఇది. ‘శంకరాభరణం’ చిత్రాన్ని ఈ దీపావళి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.