అప్పుడు చెర్రీ.. ఇప్పుడు ఎన్టీఆర్.. మహేష్ హ్యాపీ!

Posted: 09/29/2015 12:25 PM IST

Junior ntr praise mahesh babu after watching srimanthudu movie

ప్రిన్స్ మహేష్ బాబు నటించిన ‘శ్రీమంతుడు’ చిత్రం ఘనవిజయం సాధించడంతోపాటు ఆదరణలు పొందింది. గ్రామాన్ని దత్తత తీసుకునే నేపథ్యంతో రూపొందిన ఆ చిత్రం.. సమాజానికి ఓ మెస్సేజ్ అందించే మంచి సినిమాగా పేరుగాంచింది. దీంతో ఆ చిత్రాన్ని వీక్షించిన ఎందరో రాజకీయ, సినీ ప్రముఖులు ఆ చిత్రాన్ని, మహేష్ బాబుని ప్రశంసలతో ముంచెత్తారు. నలుగురికి ఆదర్శంగా వుండేలా సమాజానికి ఉపయోగపడే మంచి సినిమా చేసినందుకు మహేష్ కు అభినందనలు తెలిపారు. అలా కృతజ్ఞతలు తెలిపిన వారి జాబితాలో రామ్ చరణ్ ఒకడు. అవును.. ఆమధ్య తనను అభినందించిన వారిలో రాజకీయ ప్రముఖులు ఎక్కువగా వున్నారని పేర్కొన్న మహేష్.. ఇండస్ట్రీ నుంచి కేవలం చరణ్ ఒక్కడే అభినందించాడని తెలిపాడు. దీంతో అటు మహేష్ అభిమానులతోపాటు మెగాభిమానులు సైతం సంతోషం వ్యక్తం చేశారు. ఇప్పుడు నందమూరి అభిమానుల వంతు వచ్చింది. ఎందుకంటే.. తాజాగా ఎన్టీఆర్ ఈ సినిమాని చూసిన అనంతరం ఇంప్రెస్ అయి, మహేష్ కి ఫోన్ చేసి మరి ప్రశంసించినట్లు సమాచారం.

ప్రస్తుతం జూనియర్ ఎన్టీఆర్ హీరోగా సుకుమార్ దర్శకత్వంలో ‘నాన్నకు ప్రేమతో’ చిత్రం రూపొందుతున్న విషయం తెలిసిందే! ఈ మూవీ షూటింగ్ లో భాగంగా యూనిట్ తోపాటు జూనియర్ ఎన్టీఆర్ మూడు నెలలు లండన్ లోనే వుండాల్సి వచ్చింది. ఎడతెరిపి లేకుండా 80 రోజులపాటు షూటింగ్ లో పాల్గొన్న ఎన్టీఆర్.. తిరిగి ఇటీవల ఇండియాకి (యూనిట్ సహా) చేరుకున్నాడు. ఇక్కడికి వచ్చిన వెంటనే దర్శకుడు సుకుమార్ తో కలిసి ‘శ్రీమంతుడు’ చిత్రం చూసినట్లు తెలిసింది. ఆ సినిమాను చూసి ఇంప్రెస్ అయిన ఎన్టీఆర్.. వెంటనే మహేష్ కు పర్సనల్ గా ఫోన్ చేసి అభినందించినట్లు ముంచెత్తారని తెలుస్తోంది. మంచి సినిమా చేసి, ఘనవిజయం సాధించినందుకు మహేష్ ని పొగడ్తలతో ముంచెత్తినట్లు సమాచారం. దీంతో మహేష్ హ్యాపీగా ఫీలయ్యాడని అంటున్నారు. ఏదేమైనా.. ‘శ్రీమంతుడు’ చిత్రం కారణంగా మహేష్ ఇమేజ్ మరింత పెరిగిందని తెలుస్తోంది. ఇదిలావుండగా.. 158 సెంటర్స్ లో 50 రోజులు పూర్తి చేసుకున్న ఈ సినిమా.. టాలీవుడ్ లో ‘బాహుబలి’ తర్వాత అత్యధిక కలెక్షన్లు సాధించిన సినిమాగా రికార్డు సృష్టించింది.

AS