‘సర్దార్ గబ్బర్ సింగ్’కి ఐటెంగర్ల్ దొరికిపోయిందోచ్!

Posted: 09/29/2015 11:51 AM IST

Raai lakshmi item song sardar gabbar singh movie pawan kalyan

పవర్ స్టార్ పవన్ కల్యాణ్ నటిస్తున్న తాజా చిత్రం ‘సర్దార్ గబ్బర్ సింగ్’కి సంబంధించి రకరకాల వార్తలు తెరమీదకి వస్తున్నాయి. ఎప్పుడు భూమి పుట్టినప్పుడు మొదలు కావాల్సిన ఈ మూవీ షూటింగ్ వాయిదా పడుతూ.. చివరగా ఈ ఏడాది ఆగస్టు చివర్లో మొదలైంది. అది కూడా షెడ్యూల్ ప్రకారం సరిగ్గా జరగడం లేదు. ఏ విధంగా షూటింగ్ హఠాత్తుగా మొదలైందో అదేవిధంగా అనిషా ఆంబ్రోస్ స్థానంలో హీరోయిన్ గా కాజల్ అగర్వాల్ ని మార్చేశారు. ఇంతలోనే సినిమాటోగ్రాఫర్ సినిమాలో నుంచి బయటికి వెళ్లిపోవడం కూడా జరిగిపోయింది. మొన్నీమధ్యే డైరెక్టర్ బాబీ మీద అలకతో పవన్ సెట్స్ నుంచి వెళ్లిపోయినట్లు వార్తలు చక్కలు కొట్టిన వ్యవహారం విదితమే! ఇలా ఎన్నో కారణాలతో ఈ ప్రాజెక్టు డిలే అవుతూ వస్తోంది.

అయితే.. ఈసారి అలా కాకుండా రెగ్యులర్ గా షూటింగ్ చేయాలని పవన్ నిర్ణయించుకున్నాడట. చిత్రవర్గాల నుంచి వస్తున్న సమాచారం ప్రకారం.. ఈ సినిమా తాజా షెడ్యూల్ సెప్టెంబర్ 30 నుంచి ప్రారంభం అవుతుందని, విరామం లేకుండా రెగ్యులర్ గా షూటింగ్ జరగనుందని తెలుస్తోంది. అది కూడా మాంచి కిక్కు ఇచ్చే ఐటెం సాంగుతో ఈ షెడ్యూల్ మొదలు పెట్టాలని యూనిట్ నిర్ణయించిందని సమాచారం. ఈ ఐటెం సాంగు కోసం తొలుత కొందరు హీరోయిన్లను పరిశీలించగా.. చివరికి రాయ్ లక్ష్మీని ఎంపిక చేశారు. ప్రస్తుతం ఆమె ఈ పాట రిహార్సల్స్ లో వుందని తెలుస్తోంది. పవన్ కూడా ఆమెతోపాటు ప్రాక్టీస్ చేస్తున్నాడు. దేవీశ్రీప్రసాద్ ట్యూన్స్ అందించిన ఈ పాట చాలా ఎనర్జిటిక్ గా వుంటుందని, ఆడియెన్స్ ని ఉర్రూతలూగిస్తుందని, సినిమాకే హైప్ తెచ్చి పెడుతుందని చిత్ర బృందం అభిప్రాయం వ్యక్తం చేసింది. సెప్టెంబర్ 30 నుంచి నానక్ రామగూడలోని రామానాయుడు స్టూడియోస్ లో ఈ సాంగ్ షూట్ జరగనుంది. ఇందుకోసం ఆర్ట్ డైరెక్టర్ బ్రహ్మకడలి బ్రహ్మాండమైన సెట్స్ ని రెడీ చేస్తున్నారని, భారీ డబ్బులు వెచ్చించి దీనిని తెరకెక్కిస్తున్నారని తెలిసింది.

ఇంకొక విషయం ఏమిటంటే.. రాయ్ లక్ష్మీ కేవలం ఐటెం సాంగులోనే కాకుండా ఓ కీలక పాత్రలోనే నటించనుందట. ఈ విషయాన్ని స్వయంగా రాయ్ లక్ష్మీ చెప్పుకొచ్చింది. ‘సర్దార్’ సినిమాలో పవన్ సరసన ఐటెం సాంగులో నటించే ఆఫర్ రావడం తన అదృష్టమని తెలిపిన అమ్మడు.. ప్రత్యేక పాత్రలోనూ నటిస్తున్నట్టు తెలిపింది. ‘కాంచనమాల కేబుల్‌టీవీ’తో తెలుగుతెరకు పరిచయమైన ఆమె.. ‘కాంచన’ సినిమాతో లైమ్ లైట్ లోకి వచ్చేసింది. ఆ తర్వాత కూడా బోలెడన్ని చిత్రాల్లో, ప్రత్యేక గీతాల్లోనూ మెరిసింది. సరైన అవకాశాలు లేక సతమతమవుతున్న నేపథ్యంలో పవన్‌కల్యాణ్‌తో కలిసి నటించే అవకాశం రావడంతో ఆమె ఉబ్బితబ్బిబ్బవుతోంది.

AS