విన్నపాలు వినవలె శ్రీమంతుడా.. అంటున్న కోరటాల

Posted: 09/13/2015 09:06 PM IST

శ్రీమంతుడు సినిమా తెలుగు సినీ ఇండస్ట్రీలో బిగెస్ట్ హిట్ గా మారడంతో అందరి నోటా ఇప్పుడు అదే హాట్ టాపిక్‌గా మారింది. ఈ చిత్రంతో రానున్న రోజుల్లో ఇలాంటి సందేశాత్మక చిత్రాలు  మరిన్ని వచ్చే అవకాశాలున్నాయని చిత్ర దర్శకుడు కొరటాల శివ ఆశాభావం వ్యక్తం చేశారు. ఖమ్మం జిల్లాలోని భద్రాచలం, మోతె ఆలయాలను ఆయన సతీసమేతంగా సందర్శించారు. 'ప్రేక్షకులకు చక్కని ఆలోచన కలిగిస్తే తప్పకుండా మెజేస్ ఓరియెంటండ్ చిత్రాలను ఆదరిస్తారని అన్నారు.

ప్రతీ సినిమా శ్రీమంతుడులాగే ఉండాలని లేదని అయితే ఇలాంటి చిత్రాలు రావాలని మాత్రం తాను కోరుకుంటున్నట్లు చెప్పారు. దర్శకుడిగా శ్రీమంతుడు సినిమా మంచి సంతృప్తినిచ్చిందని చెప్పారు. కొత్త ప్రాజెక్టుకు చర్చలు ప్రారంభం అయ్యాయన్నారు. ఈ సందర్భంగా హీరో మహేష్‌బాబుకు ఆయన ఓ విన్నపాన్ని చేశారు. మహేష్ అమ్మమ్మ స్వగ్రామం బూర్గంపాడు మండలం ముసలిమడుగు అని తెలుసుకున్నాక ఆశ్చర్యానికి లోనైన తాను... ఈ గ్రమాన్ని ఓ సారి సందర్శించాలని మహేష్‌బాబుకు చెబుతా' అని కొరటాల శివ అన్నారు.

జి. మనోహర్