శివమ్ ఆడియో ట్రాక్ లిస్ట్ విడుదల

Posted: 09/12/2015 12:38 PM IST

రామ్, రాశిఖన్నా జంటగా నటిస్తున్న ‘శివమ్’ ఆడియో విడుదల కార్యక్రమం నేడు హైదరాబాద్ లోని శిల్పకళావేదికలో గ్రాండ్ గా జరుగనుంది. ఈ చిత్రానికి యువ సంగీత దర్శకుడు దేవిశ్రీప్రసాద్ సంగీతం అందిస్తున్నాడు.

అయితే ఈరోజు సాయంత్రం విడుదల కానున్న ఈ చిత్ర పాటలకు సంబంధించిన ఆడియో ట్రాక్ లిస్ట్ ను విడుదల చేసారు. ఇందులో మొత్తం 5 పాటలున్నాయి. ఈ 5 పాటలకు ప్రముఖ పాటల రచయిత భాస్కరభట్ల సాహిత్యం అందించారు.

Ram Shivam Movie Audio Track List-02

1. శివమ్ శివమ్...
2. ప్రేమ అనే పిచ్చి...
3. ఐ లవ్ యు టూ...
4. అందమైన లోకం..
5. గుండె ఆగి పోతాందే...

ఆదిత్య మ్యూజిక్ ద్వారా ఈ పాటలు మార్కెట్ లోకి విడుదల కానున్నాయి. శ్రీ స్రవంతి మూవీస్ పతాకంపై కృష్ణచైతన్య సమర్పణలో స్రవంతి రవికిశోర్ నిర్మిస్తున్న ఈ చిత్రానికి శ్రీనివాస రెడ్డి దర్శకత్వం వహిస్తున్నారు.

ప్రస్తుతం ఈ చిత్ర షూటింగ్ హైదరాబాద్ లో జరుగుతోంది. జానీ మాస్టర్ నేతృత్వంలో రామ్, రాశిఖన్నాలపై ఓ సాంగ్ ను చిత్రీకరిస్తున్నారు. హై వోల్టేజ్ లవ్, యాక్షన్, కామెడీ ఎంటర్ టైనర్ గా రూపొందుతున్న ఈ చిత్రాన్ని అక్టోబర్ 2న విడుదల చేయడానికి చిత్ర యూనిట్ సన్నాహాలు చేస్తున్నారు.