సమంత.. పిట్ట కొంచెం కూత ఘనం?

Posted: 02/23/2015 11:32 AM IST

గ్లామర్ డాల్ సమంతాకు ఏమైందో ఏమో తెలియాదు కానీ.. వున్నట్లుండి ఓ సంచలనాత్మకమైన నిర్ణయాన్ని తీసుకుంది. నిత్యం సోషల్ మీడియా (ట్విటర్)లో సినిమా విశేషాలను, ఇతర వివరాలను అప్ డేట్ చేస్తూ అభిమానులకు దగ్గరగా వుండే నటి.. ఇప్పుడు అందుకు దూరంగా వుంటున్నానని తానే స్పష్టం చేసింది. దీంతో ఈమెకు ఏమైందంటూ వార్తల మీద వార్తలు వచ్చేస్తున్నాయి. ముఖ్యంగా అభిమానులైతే ఈ విషయంపై విచారం వ్యక్తం చేస్తున్నారు.

వివరాల్లోకి వెళ్తే.. సమంత ఎప్పటికప్పుడు తన అభిప్రాయాలను తన ‘పిట్ట’ ద్వారా వెల్లడించే సమంత.. ఈసారి దానిచేత ఘనమైన కూతనే కూయించింది. ‘కొన్నాళ్లు ట్విటర్ కి దూరంగా వుంటున్నాను, గాడ్ బ్లెస్, బీ గుడ్’ అంటూ ఈ ముద్దుగుమ్మ తాజాగా ట్వీట్ చేసింది. ఈ విధంగా ఈమె ట్వీట్ చేయడంపై అభిమానులు ఖంగుతిన్నారు. అటు సినీ సర్కిల్స్ లోనూ ఈ విషయంపై రకరకాలుగా చర్చించుకుంటున్నారు. ఎప్పుడూ ట్విటర్ లో యాక్టివ్ గా వుండే సమంతా.. దాన్నుంచి ఎందుకు దూరంగా జరుగుతోందంటూ చెప్పుకుంటున్నారు. ఇదిలావుండగా.. సమంతా ట్విటర్ నుంచి దూరంగా జరగడానికి ఒక కారణముందంటూ వార్తలొస్తున్నాయి.

అదేమిటంటే.. ప్రపంచవ్యాప్తంగా వుండే క్రిస్టియన్స్ అందరూ తాము ఎంతో ఆరాధ్యంగా భావించే ఏసుక్రీస్తు శిలువును ఎక్కించే ‘గుడ్ ఫ్రైడే’ రోజు దగ్గరపడుతుండటంతో.. తాము ఎంతో నిష్టగా నిర్వహించే లెంట్ సందర్భంగా వివాదాలకు, విలాసాలకు దూరంగా వుంటారు. పైగా.. ఇటీవలే రష్యాలోని మతపెద్దలు 40 రోజులపాటు ఈస్టర్ పండుగ వచ్చేదాకా ట్విటర్, ఇస్ స్టాగ్రామ్, ఇతర సోషల్ నెట్ వర్కింగ్ సైట్లకు దూరంగా వుండమని ఆదేశించారట! ఆ మాటల ప్రభావంతోనే సమంత కూడా ట్విటర్ నుంచి కాస్త బ్రేక్ తీసుకుందని అనుకుంటున్నారు. ఏదైతేనేం.. ఈసారి సమంత పిట్ట.. ఘనమైన కూతకోసం సంచలనం రేపింది!

AS