అజ్ఞాతంలో వెళ్లిన హీరోకి చేయూతనిచ్చిన వర్మ!

Posted: 02/23/2015 12:02 PM IST

Vadde naveen tollywood re entry ram gopal varma manchu vishnu golusu movie

‘పెళ్లి’, ‘ప్రియ ఓ ప్రియ’, ‘చాలా బాగుంది’ మొదలై చిత్రాల ద్వారా తెలుగు ప్రేక్షకులను మెప్పించిన నటుడు వడ్డె నవీన్.. ఆ తర్వాత మళ్లీ ఒక్క హిట్ సాధించలేదు. అంతే! అప్పటినుంచి ఆయన ఏ చిత్రంలోనూ నటించక, కొన్నాళ్లు అజ్ఞాతంలోకి వెళ్లిపోయారు. ఈ సమయంలోనే వివాదాస్పద దర్శకుడు ఆయనకు చేయూతనిస్తూ.. తిరిగి రీఎంట్రీ చేయించేందుకు ప్రయత్నాలు చేస్తున్నాడని సమాచారం! అంటే.. నవీన్ మళ్లీ రీఎంట్రీ ఇవ్వబోతున్నాడన్నమాట!

మంచు మనోజ్ తో వర్మ ‘గొలుసు’ అనే యాక్షన్ థ్రిల్లర్ చిత్రాన్ని రూపొందిస్తున్న విషయం తెలిసిందే! ఈ సినిమాలోనే ఓ నెగెటివ్ రోల్ కోసం వడ్డె నవీన్ ని ఎంపిక చేసినట్లు సమాచారం! గత సినిమాలతో పోల్చుకుంటే ఈ చిత్రంలో నవీన్ కాస్త డిఫరెంట్ గా, సరికొత్త లుక్ లో కనిపించనున్నాడని యూనిట్ వర్గాలు తెలుపుతున్నాయి. ఈ సినిమాతో నవీన్ రీఎంట్రీ ఘనంగా జరగబోతోందని, ఈ చిత్రం అతని సెకండ్ ఇన్నింగ్స్ కి ఎంతో తోడ్పడుతుందని యూనిట్ బృందం అభిప్రాయపడుతోంది. ఇక ఈ చిత్రం జగపతిబాబు కూడా కీలకపాత్రలో నటించనున్నాడన్న విషయం తెలిసిందే!

ఇదిలావుండగా.. ఫ్యామిలీ ఆడియెన్స్ లో మంచి పేరు సాధించిన నవీన్ చివరి చిత్రం ‘శ్రీమతి కళ్యాణం‘ 2010లో రిలీజ్ అయింది. అయితే ఆ చిత్రం అనుకున్నంత విజయం సాధించలేదు. ఇక అప్పటి నుంచి ఆయనకు ఆఫర్లు రాలేదు. దీంతో కొన్నాళ్లపాటు ఇండస్ట్రీకి కనిపించకుండా పోయారు. ఇప్పుడు వర్మ సహకారంతో మళ్లీ రీఎంట్రీ ఇవ్వబోతున్నారు. అంతేకాదు.. మంచు విష్ణు నిర్మించనున్న మరో మూవీలోనూ ఈయన నటించనున్నాడని సమాచారం!