జూనియర్ ఎన్టీఆర్ ఫ్యాన్స్ కి స్పెషల్ గిప్ట్స్

Posted: 05/07/2014 03:51 PM IST

జూనియర్ ఎన్టీఆర్ ఈసారి తన పుట్టిన రోజు నాడు తన ఫ్యాన్స్ కి రెండు గిప్ట్ లు ఇవ్వబోతున్నాడు. మే 20వ తేదీన ప్రస్తుతం తాను నటిస్తున్న ‘రభస ’ సినిమాకు సంబంధించిన ఫస్ట్ లుక్ ని విడుదల చేయడమే కాకుండా, తాను తదుపరి పూరీ జగన్నాథ్ దర్శకత్వంలో చేయబోతున్న సినిమా ప్రారంభోత్సవ కార్యక్రమం కూడా ఉంటుందని సమాచారం.

ప్రస్తుతం ఈయన నటిస్తున్న ‘రభస ’ సినిమా షూటింగ్ శరవేగంగా జరుపుకుంటుంది. సమంతా, ప్రణీతలు హీరోయిన్లుగా నటిస్తున్న ఈ సినిమాకు ‘కందిరీగ ’ ఫేం సంతోష్ శ్రీనివాస్ దర్శకత్వం వహిస్తున్నాడు. ఈ చిత్రాన్ని జూలైలో ప్రేక్షకుల ముందకు తీసుకురావడానికి సన్నాహాలు చేస్తున్నారు. ఇక పూరి దర్శకత్వంలో చేయబోయే సినిమాకు టైటిల్ గా ‘కుమ్మేస్తా ’ ఖరారు చేసే ఆలోచనలో ఉన్నాడట దర్శకుడు. గతంలో వీరిద్దరి మధ్య కాంబినేషన్లో వచ్చిన ‘ఆంధ్రావాలా’ అట్టర్ ప్లాప్ తరువాత వస్తున్న చిత్రం ఇది. ఈ చిత్రం ఎన్టీఆర్ కి ఎలాంటి ఫలితాన్ని ఇస్తుందో చూడాలి.                                                                                                         కెయన్ఆర్