చరణ్ సినిమా టైటిల్ అది కాదు

Posted: 01/23/2014 04:05 PM IST

Krishna vamsi ram charan movie title change

టాలీవుడ్ హీరో రామ్ చరణ్ తేజ్ త్వరలో క్రిష్ణ వంశీ దర్శకత్వంలో మల్టీ స్టారర్ ఫ్యామిలీ ఎంటర్ టైనర్ సినిమా చేయబోతున్న విషయం తెలిసిందే. ఇప్పటికే ప్రీ పొడక్షన్ పనులు పూర్తి చేసుకున్న ఈ సినిమా ఫిబ్రవరి 6వ తేదీ నుండి రెగ్యులర్ షూటింగ్ కి వెళ్ళబోతుంది. ఈ నేపథ్యంలో ఈ సినిమాకు టైటిల్ గా ‘గోవిందుడు అందరి వాడేలే ’ అని ఖరారు చేసినట్లు గత రెండు మూడు రోజులుగా ప్రచారం జరుగుతున్న విషయం తెలిసిందే. ఈ వార్త ఆ నోట ఈ నోట దర్శకుడి చెవిలో పడగానే వెంటనే స్పందించి వివరణ ఇచ్చాడు.

ఈ సినిమాకు ఇంకా టైటిల్ ఖరారు చేయలేదని, టైటిల్ ఖరారు అయ్యినట్లు వస్తున్న వార్తల్లో నిజం లేదని, ఒకవేళ టైటిల్ ఖరారు చేస్తే మీడియాకు తెలియజేస్తామని అలాంటి వార్తల్ని నమ్మవద్దని చెప్పుకొచ్చాడు. ఇక శ్రీకాంత్ , కమలిని ముఖర్జీ ముఖ్య పాత్రలు పోషిస్తున్న ఈ సినిమాను బండ్ల గణేష్ నిర్మిస్తుండగా, థమన్ మ్యూజిక్ అందిస్తున్నారు.