బెంగాళీ భామ కోరిక బెంగాల్ దాదాతో...

Posted: 01/23/2014 10:44 AM IST

వెండితెర పై హాట్ బ్యూటీగా పేరు తెచ్చుకున్న శ్రద్దాదాస్ మాజీ క్రికెటర్, కోల్ కత్తా ప్రిన్స్ గంగూలీని కలిసి తన చిరకాల కోరిక తీర్చుకుంది. మెగా హీరో సాయి ధరమ్ తేజ్ నటించిన ‘రేయ్ ’ సినిమాలో హాట్ హాట్ అందాల ప్రదర్శనతో పాటు విలనిజాన్ని కూడా పోషించిన ఈ అమ్మడు బెంగాళీలో ‘రాయల్ బెంగాల్ టైగర్ ’ అనే సినిమాలో  నటించింది. 

ఈ సినిమా ప్రచారం కోసం కోల్ కత్తా వెళ్లిన ఈ అమ్మడు తన చిత్ర యూనిట్ తో కలిసి అక్కడ బుల్లితెర పై వచ్చే ‘దాదాగిరి ’ అనే కార్యక్రమంలో పాల్గొన్నారు. ఈ కార్యక్రమానికి వ్యాఖ్యాతగా వ్యవహరిస్తున్న గంగూలీని చూసి తెగ ఆనంద పడిపోవడమే కాకుండా, గంగూలీ ని కలవడం నా అదృష్టం. నేను ఆయన్ను కలుస్తానని కలలో కూడా అనుకోలేదని ట్వీట్ చేసింది. గంగూలీ ప్రక్కనే ఉండటంతో కావాల్సినన్ని ఫోటోలు కూడా తీయించుకున్న ఈ అమ్మడు   వాటిని చూస్తూ తెగ సంబర పడిపోతుంది. ఇదేం ఆనందమో మరి.