మహేష్ బాబు గోన గన్నారెడ్డిగా

Posted: 07/27/2013 12:58 PM IST

ప్రముఖ దర్శకుడిగా పేరు తెచ్చుకున్న గుణశేఖర్ ప్రస్తుతం అనుష్క తో  ‘రాణిరుద్రమ ’ సినిమా తీస్తున్నాడు. అంత్యంత భారీబడ్జెట్ తో నిర్మిస్తున్న ఈ సినిమా క్వాలిటీ విషయంలో ఏ మాత్రం రాజీ పడటం లేదు. భారీ సెట్స్, ప్రముఖ సంగీత దర్శకులతో పాటు ఇంకా ఎన్నో విషయాల్లో ప్రత్యేక శ్రద్ద తీసుకుంటున్నాడు. ప్రస్తుతం ఈ సినిమా పాటల రికార్డింగ్ కోసం గుణశేఖర్ ఇళయరాజాను వెంటేసుకొని లండన్ వెళ్లాడు. అక్కడే సూపర్ స్టార్ మహేష్ బాబు ‘1’ సినిమా షూటింగు జరుగుతుంది. ప్రస్తుతం లండన్ లో ఉన్న గుణశేఖర్ మహేష్ బాబును కలిసినట్లు సమాచారం. గత కొంత కాలంగా ఈ సినిమాలో మహేష్ ఓ ముఖ్య అతిథి పాత్రను పోషించబోతున్నాడనే వార్తలు వస్తున్న విషయం తెలిసిందే. అందులో భాగంగా మహేష్ కు ‘గోన గగ్నారెడ్డి ’ అనే పాత్రను కి  వినిపించినట్లు సమాచారం.  దీనికి మహేష్ నుండి గ్రీన్ సిగ్నల్ కూడా వచ్చిందని, త్వరలో తెలుగు తెర పై గోన గన్నారెడ్డి గా మహేష్ ఎంట్రీ ఇస్తాడని అంటున్నారు.