Posted: 02/28/2013 11:03 AM IST

సినిమా వాళ్ళ కన్ను ఎప్పుడు ఎవరి పైనా పడుతుందో తెలియదు. తాజాగా రామ్ చరణ్ నటిస్తున్న ‘జంజీర్ ’ సినిమాలో ఓ ఐటెం సాంగుకు ఓ టీవీ స్టార్ ని తీసుకున్నట్లు సమాచారం. ఇప్పటికే ఇండస్ట్రీకి ఎంతో మంది ఐటెం పాపలు దిగుమతి అవుతున్నా, ఎంతో మంది స్టార్ హీరోయిన్లు ఐటెం సాంగులు చేస్తున్నా కానీ, ఎప్పటికప్పుడు కొత్తదనం కోరుకునే సినీ దర్శకులు ఇప్పుడు ఓ టీవీ స్టార్ తో ఐటెం సాంగు చేయించబోతున్నారు. బుల్లితెర హాట్ బ్యూటీగా పేరుతెచ్చుకున్న కవితా కౌసక్ ఎఫ్ఐఆర్ సీరియల్ లో ఇన్ స్పెక్టర్ గా చేసి, అందరి ప్రశంసలు అందుకుంది.  మంచి పర్సనాలిటీ ఉన్న ఈమెను ఈ సినిమాలో తీసుకుంటే బాగుందని భావించారట. ప్రస్తుతం ఈ సినిమా షూటింగ్ చివరి దశకు చేరుకుంది. హిందీ, తెలుగు వెర్షన్లలో విడుదల కానుకున్న ఈచిత్రానికి  తెలుగు టైటిల్ ‘రుస్తుం ’ ఖరారు చేశారని అంటున్నారు. హిందీ వెర్షన్ కి అపూర్వ లిఖియా దర్శకత్వం వహిస్తుంటే, తెలుగు వెర్షన్ కి యోగి దర్శకత్వం వహిస్తున్నాడు. ఇక్కడ విశేషం ఏంటంటే ఈ టీవీ స్టార్ ని పెట్టమని సూచించింది చిరంజీవినేనట.