Posted: 02/28/2013 11:03 AM IST

టాలీవుడ్ వెండితెరకు ‘సూపర్ ’ సినిమా ద్వారా ఎంట్రీ ఇచ్చి, అనతి కాలంలోనే టాప్ హీరోయిన్ రేసులో దూసుకుపోయి జేజమ్మగా తెలుగు ప్రేక్షకుల మనస్సుల్లో స్థానం సంపాదించిన అనుష్క కొన్ని రోజుల నుండి తెలుగు తెరకు గ్యాప్ ఇచ్చి, మళ్లీ ఇప్పుడిప్పుడే పున:ప్రవేశం చేస్తుంది. తాజాగా ఈ అమ్మడు తెలుగు, తమిళ్ సినిమాల్లో బిజీగా ఉంది. ఇప్పటికే రాజమౌళి బహుబళి, గుణ శేఖర్ ‘రుద్రమదేవి ’ సినిమాల్లో నటిస్తుంది. ఈ చిత్రాల తరువాత ఈ అమ్మడు శ్రీమతిగా మారబోతుందని టాలీవుడ్ వర్గాల్లో వార్త సంచరిస్తుంది. ప్రస్తుతం కాల్షీట్లు ఇచ్చిన సినిమాలు పూర్తవగానే పెళ్లి చేసుకోవాలని నిర్ణయానికి వచ్చినట్లు చెబుతున్నారు. ఈ సినిమాలు పూర్తయ్యే నాటికి రెండు సంవత్సరాలు పడుతుంది. ఇప్పటికే అనుష్క మూడుపదులు దాటి ముదిరిపోయింది కూడా. ఇకనైనా పెళ్లి చేసుకొని మిగిలిన కోరికలు తీర్చేసుకోవాలని భావించి ఈ నిర్ణయానికి వచ్చిందని అంటున్నారు.