Posted: 11/10/2012 07:49 PM IST

ప్రతిభకు పురస్కారమైతే కావచ్చుకాని.. ఏమైనా లక్కంటే ఇలా ఉండాలి. ‘ఈ రోజుల్లో’ చిత్రానికి ముందు ఎవరికీ పెద్దగా తెలియని ఆ చిత్ర డైరెక్టర్ మారుతి ఒక్క సారిగా ఫేమస్ అయిపోయాడు. ఆ సినిమా విజయంతో బెల్లంకొండ సురేష్ అవకాశం ఇవ్వడంతో ‘బస్ స్టాప్’ అనే రెండవ సినిమా మొదలు పెట్టి పూర్తి కూడా చేసాడు. దీనికి సెన్సార్ అడ్డు చెప్పినప్పటికీ ట్రిబ్యునల్ లో గెలిచి తన సత్తా చాటాడు. ఈ సినిమా రేపు ప్రేక్షకుల ముందుకు రానుంది.
        ఇక మారుతి తీయబోయే మూడవ సినిమాని టాలీవుడ్ ప్రముఖ ప్రొడక్షన్ హౌస్ గీతా ఆర్ట్స్ బ్యానర్లో అల్లు అరవింద్ నిర్మించనున్నారు. ఈ చిత్రానికి సంబందించిన నటీనటులు మరియు సాంకేతిక నిపుణుల వివరాలు త్వరలోనే తెలియజేయనున్నారు. ఈ దెబ్బతో సినీ వర్గాలు.. ఫిల్మ్ నగర్లో మారుతి పేరు మారుమ్రోగుతోంది.

...avnk