Posted: 11/10/2012 12:14 PM IST

అనుకున్నదే అయింది. సమంతా చరణ్ కు హ్యాండిచ్చింది. తాజా వార్త ఏంటంటే  రామ్ చరణ్ నటిస్తున్న 'ఎవడు' సినిమాకి  చెన్నయ్ అందం సమంతా తిలోదకాలిచ్చింది. ఇంత పెద్ద ప్రాజక్టునుంచి ఆమె తప్పుకోడానికి కారణం.. వంశీ పైడిపల్లి దర్శకత్వంలో దిల్ రాజు నిర్మిస్తున్న ఎవడు చిత్రంలో సమంతా ను ముందుగానే బుక్ చేశారు. అయితే, ఆమె అనారోగ్యం వల్ల  ఆమె చేస్తున్న సినిమా షూటింగ్లన్నీ ఆలస్యం అవుతూ వచ్చాయి. ఇప్పటికే చాలా ఓపికతో నిరీక్షించిన దిల్ రాజు ఇక కుదరదని తేల్చేసినట్టు సమాచారం. అందుకే ఈమె ఎవడు నుంచి నిష్క్రమించాల్సి వచ్చింది.  ఈ నేపథ్యంలో 'గబ్బర్ సింగ్' భామ శృతి హాసన్ ను ఈ 'ఎవడు' సినిమాకి కథానాయికగా తీసుకున్నారని సమాచారం. ఎమీ జాక్సన్ రెండో కథానాయికగా నటిస్తున్న ఈ చిత్రంలో అల్లు అర్జున్ ఓ స్పెషల్ క్యారెక్టర్ పోషిస్తున్నాడు.

        ఇక చరణ్ మరో మూవీ 'నాయక్' సినిమా బిజినెస్ పరంగా సరికొత్త రికార్డును సాధించింది. ఈ సినిమా కర్ణాటక ప్రదర్శన హక్కులు రికార్డు స్థాయిలో అమ్ముడవడం అందరినీ ఆశ్చర్యచకితులను చేస్తోంది. కర్ణాటక ప్రదర్శన హక్కులను గాయత్రి ఫిల్మ్స్ వారు 4 కోట్ల 10 లక్షలు చెల్లించి దక్కించుకోవడం సినీ వర్గాలనే విస్మయానికి గురిచేస్తోంది. ఓ తెలుగు సినిమాకి కర్ణాటకలో ఈ స్థాయి రేటు పలకడం తెలుగు సినీ చరిత్రలో ఇదే తొలిసారని చెబుతున్నారు. అంతేకాదు ఆంధ్రప్రదేశ్ లోనూ బిజినెస్ పరంగా ఈ మూవీ కొత్త రికార్డులు క్రియేట్ చేస్తోంది.
        రామ్ చరణ్ హీరోగా వినాయక్ తెరకెక్కించిన ఈ సినిమాలో కాజల్ - అమలాపాల్ హీరోయిన్స్.  డీవీవీ దానయ్య భారీ బడ్జెట్టుతో నిర్మించిన ఈ సినిమా సంక్రాంతి కానుకగా జనవరి 9 న విడుదల కానుంది.

...avnk