Posted: 09/17/2012 05:45 PM IST

     

  వెన్నెల కిషోర్ రూపొందించిన ‘వెన్నల అండ్ హాఫ్’ మూవీ మాస్టర్ భరత్ కెరీర్ లో బెస్ట్ మూవీ కాబోతుందంటున్నాయి ఆ చిత్ర వర్గాలు. ఎందుకంటే ఈ మూవీలో అతని కామెడీ సూపర్బ్ గా ఉండబోతోందని సమాచారం. దేవకట్ట డైరెక్షన్లో 2005లో వచ్చిన వెన్నెల చిత్రం చిన్న సినిమాగా విడుదలై మంచి విజయాన్ని అందుకున్న సంగతి తెలిసిందే. ఆ సినిమాకి సీక్వెల్ వస్తున్న విషయం తెలిసిందే. వెన్నెల సినిమాతో పరిచయమై టాప్ కమెడియన్ గా ఎదిగిన వెన్నెల కిషోర్ దర్శకత్వంలో వస్తున్న ఈ సినిమా ఇటీవలే సెన్సార్ పూర్తి చేసుకుంది. సెన్సార్ సభ్యుల నుండి ఎ సర్టిఫికేట్ అందుకుంది. చైతన్య కృష్ణ ప్రధాన పాత్రలో నటించిన ఈ సినిమాలో అతనికి జోడీగా మోనాల్ గజ్జర్ హీరొయిన్ గా నటించింది. రీషూట్, పోస్ట్ ప్రొడక్షన్ పనులు చాలా ఆలస్యం కావటంతో విడుదలలో జాప్యం జరిగింది. ఈ శుక్రవారం అంటే ఈనెల 21న ఈమూవీ ప్రేక్షకుల ముందుకు రానుంది. పైన కనిపిస్తున్న పోస్టర్ దర్శకుడు వెన్నెల కిషోర్ కొద్దిసేపటిక్రితం విడుదల చేసిందే...

..avnk