Posted: 09/17/2012 06:35 PM IST

       ‘జఫ్పా’... ప్రముఖ హాస్యనటుడు బ్రహ్మానందానికి ఎంతో ఇష్టమైన పేరు. సినిమాల్లో బ్రహ్మీ నటనవలే ఈమూవీ కూడా విడుదలకు ముందే కొత్తపోకడ తెచ్చింది. చిత్ర సీమలో సాధారణంగా దర్శకులు నిర్మాతలుగా, నిర్మాతలు దర్శకులుగా మారడంలో ఆశ్చర్యమేమీ లేదు. అయితే ఓ సినిమా నిర్మాణం పూర్తి కావొస్తుండగా, ఆ సినిమా పూర్తి రైట్స్ తీసుకుని నిర్మాతగా మారడం అరుదుగా జరుగుతుంటుంది. బ్రహ్మానందం ప్రధాన పాత్ర ధారిగా రూపొందుతోన్న 'జఫ్ఫా' సినిమా విషయంలో ఇదే జరిగింది. ఈ సినిమా షూటింగ్ చివరి దశలో వుండగా, 'వీర' దర్శకుడు రమేష్ వర్మ, ఈ సినిమా పై పూర్తి రైట్స్ తీసుకుని నిర్మాతగా మారినట్టు చెబుతున్నారు.
       ప్రస్తుతం ఈ సినిమా బిజినెస్ వ్యవహారాలను ఓ నిర్మాతగా రమేష్ వర్మ చూస్తున్నారు. ఆస్ట్రేలియా - న్యూజిలాండ్ రైట్స్ ను సాయి మనాలి ఎంటర్ టైన్మెంట్ వారికి ఫ్యాన్సీ రేటుకి ఇచ్చినట్టు తెలుస్తోంది. ఇక మిగతా ఓవర్సీస్ రైట్స్ ను బ్లూ స్కై వారికి ఇచ్చినట్టు చెబుతున్నారు. వెన్నెల కిషోర్ దర్శకుడిగా వ్యవహరిస్తోన్న ఈ సినిమా, జైలు నేపథ్యంలో తెరకెక్కుతోంది.
      ఆమధ్య విడుదలైన ఈ సినిమా ట్రైలర్ కి విపరీతమైన స్పందన వచ్చింది. అప్పటి నుంచి పెరుగుతోన్న అంచనాలు బిజినెస్ పెరగడానికి కారణంగా చెబుతున్నారు.

...avnk