Posted: 08/28/2012 06:40 PM IST

       పవర్ స్టార్ పవన్ కళ్యాణ్ అభిమానగణం తమ నోరారా పాడుకునేందుకు ఎంతో ఆత్రుత తో ఎదురు చూస్తున్న పాట వచ్చే సమయం ఆసన్నమైంది. తెలుగు దనానికి పాప్ రూపులద్దిన బాబా సెహగల్ తాను కూడా పవన్ అభిమానినని ... పవనిజాన్ని ఆవిష్కరించే ఓ పాటను సిద్ధం చేసి, దానిని ఆయన అభిమానులకి అంకితం చేస్తానని గతంలోనే సెహగల్ ప్రకటించాడు. ఇప్పుడాయన ఆ ఆల్బం సిద్ధం చేశాడు.  పవన్ క్రేజ్ ను ... ఇమేజ్ ను దృష్టిలో పెట్టుకుని తానే ఓ పాట రాశాననీ ... ఆ పాట అద్భుతంగా వచ్చిందని ఆయన చెబుతున్నాడు. 'పవా పవా పవా ... పవన్ కల్యాణ్, పవా .. పవా .. పవా ... పవన్ కల్యాణ్' అంటూ ఈ పాట సాగుతుందనీ, ఆయన అభిమానులను ఉర్రూతలూగిస్తుందని అంటున్నాడు. ఈ ఆల్బం ను పవన్ కల్యాణ్ జన్మదినం నాడు అంటే, సెప్టెంబర్ 2 న విడుదల చేస్తున్నారు. బీ రెడీ పవన్ ఫ్యాన్స్..
      ఇదిలా ఉంటే.. పవర్‌స్టార్‌ పవన్‌ కళ్యాణ్‌, సూపర్‌స్టార్‌ మహేష్‌బాబు అభిమానులకు ఇంకో భోనాంజా ఆఫర్. ఈ క్రేజీ హీరోల కాంబినేషన్లో మల్టీస్టారర్‌ సినిమా రాబోతుందనే వార్తలు ఫిల్మ్ నగర్ లో చక్కర్లు కొడుతున్నాయి. ఒకరేమో సూపర్‌స్టార్‌, మరొకరేమో పవర్‌స్టార్‌. ఇద్దరూ బాక్సాఫీసు వద్ద కింగులే. సినిమా హిట్టయినా, ఫట్టయినా నిర్మాత మాత్రం నష్టపోడు. ఎందుకంటే ఓపెనింగ్స్‌తోనే పెట్టుబడి వచ్చేస్తుంది. భారీ హిట్టయితే నిర్మాత కుబేరుడవ్వడం ఖాయం....

...avnk