Posted: 08/14/2012 03:32 PM IST

       యంగ్ టైగర్ ఎన్టీఆర్ 'బాద్ షా' తెలుగు నాట కొత్త పుంతలు తొక్కేందుకు రెడీ అవుతోంది. ఈ చిత్రం కోసం తమన్ మరో ప్రయోగం చేశాడు. ఇందులోని థీం సాంగ్ ను తాజాగా బ్యాంకాక్ లో రికార్డు చేశాడు. ఈ పాటను రంజిత్, రాహుల్ నంబియార్, సుచిత్ర గానం చేశారు. బ్యాంకాక్ ఫిల్హర్ మోనిక్ ఆర్కెస్ట్రాతో ఈ పాటను భారీ స్థాయిలో, వైవిద్యంతో కూడిన వాద్యపరికరాలతో రికార్డు చేసుకుని, తమన్ తిరిగి చెన్నయ్ చేరుకున్నాడు. ఈ పాట చాలా బాగా వచ్చిందనీ, దర్శకుడు శ్రీను వైట్ల దీనిని ఎంతగానో ఇష్టపడ్డారనీ తమన్ అంటున్నాడు.
       కాగా,  రేపటి (ఆగష్టు 15) నుంచి ఈ చిత్రం తాజా షెడ్యూలు షూటింగు బ్యాంకాక్ లో జరుగుతుంది. హీరో, విలన్లపై యాక్షన్ ఎపిసోడ్ తో బాటు,  హీరో హీరోయిన్లపై కొన్ని రొమాంటిక్ సన్నివేశాలను, ఓ పాటను అక్కడ చిత్రీకరించడానికి దర్శకుడు ప్లాన్ చేశారు. ఇందులో యన్టీఆర్ పక్కన కాజల్ కథానాయికగా నటిస్తోంది. ఇప్పటి వరకూ ఏ సినిమాలోనూ కనిపించని విధంగా యంగ్ టైగర్ ఇందులో రొమాంటిక్ లుక్ తో కనిపించబోతున్నారు.

...avnk