Posted: 08/10/2012 07:00 PM IST

       విక్టరీ వెంకటేష్ ప్రస్తుతం చేస్తోన్న 'షాడో' మూవీలో ఆయన పాత్ర  చాలా డిఫెరెంట్ గా ఉండబోతోందట. మెహర్ రమేష్ దర్శకుడిగా వ్యవహరిస్తోన్న ఈ సినిమాని పరుచూరి కిరీటి నిర్మిస్తున్నారు. ఈ సినిమా గురించి దర్శక నిర్మాతలు మీడియాకు మక్తాయింపు ఇచ్చారు. మలేసియాలో ప్లాన్ చేసిన షెడ్యూల్ చాలా బాగా జరిగిందని చెప్పారు. అక్కడ కొన్ని కీలకమైన సన్నివేశాలను ... పాటలను చిత్రీకరించామని అన్నారు. తదుపరి షెడ్యూలు హైదరాబాద్ లో ప్లాన్ చేశామనీ ... త్వరలోనే ఇక్కడ షూటింగ్ మొదలౌతుందని చెప్పారు.        
       వెంకీ మాఫియా డాన్ గా నటిస్తోన్న ఈ సినిమాలో శ్రీకాంత్ ఓ ప్రత్యేక పాత్రని పోషిస్తున్నాడన్న విషయం మనకు తెలిసిందే. తాప్సీ - మధురిమ కథానాయికలుగా అలరించనున్న ఈ సినిమాని సంక్రాతి కానుకగా విడుదల చేయనున్నట్టు తెలుస్తోంది. అదే నిజమైతే 'సీతమ్మవాకిట్లో సిరిమల్లెచెట్టు' చిత్రం ద్వారా కుటుంబ కథానాయకుడిగా, 'షాడో' చిత్రం ద్వారా యాక్షన్ హీరోగా వెంకటేష్ ఈ సంక్రాంతి పండగ అంతా తన చేతులమీదే జరిపించబోతున్నాడన్నమాట.

...avnk