Posted: 08/03/2012 02:50 PM IST

      వాణిశ్రీ... అమెను చూస్తేనే చాలు దర్భం ఒలికిపడుతుంది. శ్రీ కృష్ణతులాభారం చిత్రంలో  సత్యభామకు చెలికత్తెగా ఒక చిన్న పాత్రలో నటించిన వాణీశ్రీ ఆ తర్వాత ఆ చిత్రంలో శ్రీకృష్ణుడిగా నటించిన ఎన్టీఆర్ సరసన హీరోయిన్ గా నటించే స్థాయికి ఎదిగిదంటే పట్టుదల, నటన మీద ఆమెకున్న మమకారం, తపన, ప్రేమ ఎలాంటివో అర్థం చేసుకోవచ్చు. అగ్ర కథనాయకలందరి సరసన వాణిశ్రీ నటించారు. అసమాన నటనా ప్రతిభతో ఎన్నో సన్మానాలు, అవార్డులు, బిరుదులు అందుకున్నారు.  అమెరికా, బ్రిటన్, యూరప్ వంటి దేశాలలో సన్మానాలు, ప్రశంసలు పొందారు.
        కళాభినేత్రి లాంటి అరుదైన బిరుదును అందుకున్నారు. వివాహానంతరం కొన్ని సంవత్సరాలు సినిమాలకు దూరంగా ఉన్నా 1991లో మళ్ళీ పునఃప్రవేశం చేసి, వయసుకు తగిన పాత్రలను చేసి తన సత్తాను చాటుకున్నారు. ఆతరం హీరోలతో నటించిన వాణీశ్రీ నేటి తరం సూపర్ హీరోలు చిరంజీవి, నాగార్జున, వెంకటేశ్ లకు అత్తగా నటించారు. జీవన తరంగాలు, కృష్ణవేణి, జీవన జ్యోతి సినిమాల్లో వాణిశ్రీ నటన అమోఘం. ఆ సినిమాల్లో అద్భుత నటన ప్రదర్శించిన వాణిశ్రీ ఫిల్మ్ ఫేర్ ఉత్తమ నటీ అవార్డు అందుకున్నారు. పుట్టిన రోజు సందర్భంగా కళాభినేత్రికి ఆంధ్రావిశేష్ జన్మదిన శుభాకాంక్షలు అందిస్తోంది....

...avnk