Posted: 07/24/2012 02:40 PM IST

      గతంలో 'భార్యాభర్తల భాగోతం' సినిమాకు దర్శకత్వం వహించిన మహేష్‌కుమార్‌ తాజాగా ఓ చిత్రానికి శ్రీకారం చుట్టారు. మహిమా పిక్చర్స్‌ పతాకంపై బుజ్జి పాండాల ఈ చిత్రాన్ని నిర్మిస్తున్నారు. ఈ చిత్రం కోసం తాజాగా యువసంగీత దర్శకుడు రాజ్‌కిరణ్‌ ఆధ్వర్యంలో కీర్తన థియేటర్‌లో ఆరు పాటలను రికార్డింగ్‌ చేశారు. దిలీప్‌కోటి, దివ్వభార్గవి హీరో హీరోయిన్లుగా ఈ చిత్రంలో నటిస్తున్నారు. వీరికిదే తొలి చిత్రం. గిరీష్‌కుమార్‌ పి.సుభాష్‌, రాజ్‌కుమార్‌, ప్రణయ్‌లు ఈ సినిమాద్వారా పరిచయం తెలుగుతెరకు పరిచయమవుతున్నారు.
      ఇక ఈ చిత్ర కథాంశం ఏమిటంటే.. ఒకే కాలేజీలో చదువుకునే ఒక యువజంట సరదా కోసం విహారానికి వెళతారు. కానీ అక్కడ జరిగిన ఓ దుస్సంఘటన నుండి వారు ఎలా బయటపడ్డారనేది ఇతివ్రుత్తాంతం. ఇంతవరకు జరిగిన షూటింగ్‌తో నలభైశాతం టాకీపార్ట్‌ పూర్తయింది. తదుపరి షెడ్యూల్‌ ఆగస్టు మొదటివారం నుండి హైదరాబాద్‌ పరిసర ప్రాంతాల్లో జరుగనుంది.
       ఈ చిత్రానికి ఛాయాగ్రహణం: చక్రి, సంగీతం : రాజ్‌కిరణ్‌, సహ నిర్మాత: రాళ్ళబండి శ్రీనివాస్‌.

...avnk