Posted: 07/24/2012 01:04 PM IST

       పవర్ స్టార్ పవన్ కళ్యాణ్ సినిమాలో నటిస్తోన్న తమన్నాకు పొగరెక్కువ. అందుకనే ఆమెను ఉమెన్ అని సంబోధించకుండా, మెన్ అంటున్నామంటున్నారు ఆ చిత్ర దర్శకుడు డాషింగ్ పూరీ.  గంగను కెమెరాఉమన్‌గా కాకుండా కెమెరామెన్‌గా పోల్చడానికి గల కారణం ఏమిటన్న ప్రశ్నకు దర్శకుడు పూరి బదులిస్తూ...మగాడికి ఎంతమాత్రం తీసిపోనివిధంగా చాలా డేరింగ్‌గా, డాషింగ్‌గా ఉంటుంది గంగ పాత్ర. అందుకే ఆమెకు కెమెరామెన్‌గా పేరు పెట్టామని అన్నారు.
    ఇదిలా ఉంటే.. ఫోర్త్‌ ఎస్టేట్‌గా పిలవబడే మీడియా పాత్ర ప్రజాస్వామ్యంలో ఎంత కీలకంగా ఉంటుందో వేరుగా చెప్పనక్కరలేదు. అంతటి ప్రాముఖ్యం సంతరించుకున్న మీడియాలో పనిచేసే ఓ రిపోర్టర్‌, కెమెరామెన్‌ల చుట్టూ తిరిగే కథాంశంతో 'కెమెరామెన్‌ గంగతో రాంబాబు' చిత్రాన్ని రూపొందిస్తున్నారు. కథానాయకుడైన పవన్‌కల్యాణ్‌ రిపోర్టర్‌గా నటిస్తుండగా, కెమెరామెన్‌ గంగగా తమన్నా నటిస్తోంది. పూరి జగన్నాథ్‌ దర్శకత్వంలో యూనివర్శల్‌ మీడియా పతాకంపై సూర్యదేవర రాధాకృష్ణ సమర్పణలో డి.వి.వి.దానయ్య నిర్మిస్తున్న ఈ చిత్రం షూటింగ్‌ శరవేగంగా జరుగుతోంది. ఈ చిత్రంగురించి నిర్మాత దానయ్య మాట్లాడుతూ, 'దేశముదురు తర్వాత పూరి జగన్నాథ్‌తో మేము చేస్తున్న మరో ప్రతిష్టాత్మక చిత్రమిది. పవన్‌, పూరిల కలయికలో రూపొందబోయే ఈ చిత్రం తప్పకుండా సంచలన చిత్రమవుతుందన్న నమ్మకం ఉంది. అక్టోబర్‌ 18న చిత్రాన్ని విడుదల చేస్తాం' అని చెప్పారు.
      12 ఏళ్ల తర్వాత పవన్-పూరీ కాంబినేషన్ లో వస్తోన్న ఈ చిత్రంలోని ఇతర పాత్రల్లో ప్రకాష్‌రాజ్‌, బ్రహ్మానందం, అలీ, ఎం.ఎస్‌.నారాయణ, కోట శ్రీనివాసరావు, తనికెళ్ళ భరణి ఇంతవరకు ఎంపికైన తారాగణం. ఈ చిత్రానికి ఛాయాగ్రహణం: శ్యామ్‌ కె.నాయుడు, కథ, స్క్రీన్‌ప్లే, మాటలు, దర్శకత్వం: పూరి జగన్నాథ్‌.

...avnk