Posted: 06/25/2012 05:07 PM IST

     సూపర్ స్టార్ మహేష్ బాబు కజిన్ శివ ( నిర్మాత శాఖమూరి మల్లికార్జున రావు కుమారుడు ) హీరోగా తెలుగు తెరకి పరిచయం కానున్న విషయం విదితమే. వెంకన్న బాబు దర్శకుడిగా వ్యవహరించనున్న ఈ సినిమాలో శివ జోడీగా సంజన కథానాయికగా కనిపించనుంది. తాజాగా అందిన సమాచారం ప్రకారం, ఈ సినిమాకి 'జగన్ నిర్దోషి' అనే టైటిల్ ని ఖరారు చేసినట్టు తెలుస్తోంది. దాంతో జగన్ తో ముడిపడిన ఈ నాటి రాజకీయాలను కథా వస్తువుగా చేసుకుని ఈ సినిమాని రూపొందిస్తున్నారనే ప్రచారం ఊపందుకుంది.
     అయితే ఈ సినిమా నేపథ్యం రాజకీయాలు కాదనీ ... జగన్ ని ఉద్దేశించి తీస్తున్నది కాదని యూనిట్ సభ్యులు అంటున్నారు. ఈ సినిమాలో కథ ఉన్నా లేకపోయినా టైటిల్లో మాత్రం వివాదానికి కారణమయ్యే అంశం పుష్కలంగా ఉండటంతో, ఇప్పుడంతా దీని గురించే చర్చించుకుంటున్నారు. అంతేకాదు ఈ సినిమా టైటిల్ ఈ విధంగా పెట్టడం సూపర్ స్టార్ క్రిష్ణ ప్రోద్భలం ఉండే ఉంటుందని అందరి భావన. దీనికి బలం చేకూర్చే అంశం ఏమిటంటే.. గతంలో క్రిష్ణ, విజయనిర్మల ఆమధ్య వైఎస్ ఆర్ సీపీ అధినేత జగన్ ను కలిసి పార్టీలో చేరేందుకు సుముఖత చూపించిన సంగతి గుర్తుండే ఉంటుంది.

...avnk