Posted: 06/25/2012 04:50 PM IST

     విలక్షణ నటుడు ప్రకాష్ రాజ్ శైలే వేరు. ఆయన మంచి మాటకారే కాదు, చాలా చమత్కారికూడా అనే విషయం అందరికీ తెలిసిందే. విషయమేదైనా తన మనసులో దాచుకోకుండా వెంటనే బైటికి అనేయడం ఆయన నైజం. ఒక్కోసారి ఈ ధోరణి కారణంగా మనస్పర్థలు తలెత్తినా అతను తన తీరును మాత్రం మార్చుకోడు. ప్రస్తుతం బాలీవుడ్ తెరకి సైతం తన నటనలోని సత్తాని చూపించిన ప్రకాష్ రాజ్ తో చాలా వరకూ అంతా జాగ్రత్తగానే ఉంటారు. అలాంటి ప్రకాష్ రాజ్ కి బాలీవుడ్ మీడియా కోపాన్ని తెప్పించింది. ఈ మధ్య బాలీవుడ్ ప్రేక్షకులు ప్రకాష్ రాజ్ సినిమాలని వరుసగా చేస్తోన్న సంగతి తెలిసిందే. ఈ నేపథ్యంలో ప్రకాష్ రాజ్ తన పారితోషికంగా రోజుకి 10 లక్షలు వసూలు చేస్తున్నాడని అక్కడి మీడియా కథనాలు రాసింది. ఇది చూసిన ప్రకాష్ రాజ్ కి చిర్రెత్తుకురావడంతో, ''తాను రోజుకి 10 లక్షలు మాత్రమే తీసుకుంటానని చెప్పడం తనని అవమాన పరచడమేననీ ... అసలు అంత తక్కువకి తాను చేస్తానని ఎలా అనుకుంటున్నారు?'' అంటూ తన దైనశైలిలో ట్విట్టర్ ద్వారా మీడియాకి చురక అంటించారు. అదీ ప్రకాష్ రాజ్ స్టైల్....

...avnk