Posted: 06/21/2012 02:08 PM IST

     ఇటీవల కాలంలో కథానాయిక శ్రద్ధాదాస్ కి అవకాశాలు వస్తున్నట్టే వచ్చి చేజారి పోతున్నాయి. తాజాగా ఆ జాబితాలో మరో సినిమా చేరింది. మహేష్ బాబు కజిన్ శివ హీరోగా తెలుగు తెరకి పరిచయం కానున్న సంగతి తెలిసిందే. ఈ సినిమాలో కథానాయికగా శ్రద్ధాదాస్ ని ఎంపిక చేశారు. అయితే కారణమేంటో తెలియదుగాని, ఇప్పుడా సినిమా నుంచి ఆమె తప్పుకున్నట్టు తెలుస్తోంది. ఈ నేపథ్యంలోనే తాను ఆ సినిమా చేస్తున్నట్లు మరో కథానాయిక సంజన ట్వీట్ చేసింది. గతంలో 'బుజ్జిగాడు' చిత్రం ద్వారా తెలుగు తెరకి పరిచయమైన సంజన, ఆ తరువాత 'సత్యమేవ జయతే' ... 'సమర్ధుడు' వంటి చిత్రాలలో నటించింది.గుర్తింపు లేని పాత్రలు ... సక్సెస్ కాని సినిమాల కారణంగా ఆమె ఇక్కడ రాణించలేక పోతోంది. ప్రస్తుతం 'యమహో యమః' చిత్రంలో నటిస్తోన్న ఈ అమ్మాయి, లేటెస్ట్ గా శివ జోడీగా ఛాన్స్ కొట్టేసింది. మరి, ఈ సినిమాతో అయినా ఈ అమ్మడికి కాలం కలిసొస్తుందని ఆశిద్దాం..