Posted: 05/14/2012 05:57 PM IST

      సూపర్ స్టార్ మహేష్ కు పెళ్లయిపోయింది కదా.. నమ్రతా ఊరుకుంటుందా అనుకుంటున్నారా.. ఈ విషయం కాసేపు పక్కన పెడితే సీతమ్మ వాకిట్లో సిరిమల్లె చెట్టు సినిమాలో మహేష్ బాబు, సమంతా జంట పెళ్లి పీటలు ఎక్కింది. పండితుల వేదమంత్రాల నడుమ... మంగళ వాయిద్యాలు మోగుతుండగా సమంతా మెడలో మహేష్ తాళికట్టాడు. ఈ అందమైన దృశ్యం 'సీతమ్మ వాకిట్లో సిరిమల్లె చెట్టు' చిత్రం షూటింగులో ఆవిష్కృతమైంది. వీరిద్దరి పెళ్లి సన్నివేశాలను హైదరాబాదు సమీపంలోని రామోజీ ఫిలిం సిటీలో 2 కోట్లతో వేసిన భారీ సెట్లో రాత్రి వేళల్లో చిత్రీకరించారు. ఈ షూటింగులో చిత్రంలోని ప్రధాన తారాగణమంతా పాల్గొన్నారు. దాంతో పెళ్లి సందడి చోటుచేసుకుని సీన్ అద్భుతంగా పండింది.
      వెంకటేష్, మహేష్ బాబు అన్నదమ్ములుగా నటిస్తున్న ఈ కుటుంబ కథా చిత్రం షూటింగు వేగంగా జరుగుతోంది. వెంకీ సరసన అంజలి,  మహేష్ పక్కన సమంతా ఇందులో జంటగా నటిస్తున్నారు. శ్రీకాంత్ అడ్డాల దర్శకత్వంలో దిల్ రాజు నిర్మిస్తున్న ఈ చిత్రాన్ని దసరాకు విడుదల చేసే విధంగా ప్లాన్ చేస్తున్నారు. మొత్తానికి ఈ సినిమాతో మల్టీస్టారర్ చిత్రాలకు మళ్లీ క్రేజ్ వస్తుందని చిత్ర వర్గాలు చెబుతున్నాయి.

...avnk