Posted: 05/15/2012 01:07 PM IST

       రవితేజ-తాప్సీ జంటగా నటించిన ‘దరువు’ చిత్రం విడుదల డేట్ ఖరారైంది. శ్రీమతి శ్రీనాగమునీశ్వరి సమర్పణలో శ్రీవెంకటేశ్వర ఎంటర్‌టైన్‌మెంట్స్‌ లిమిటెడ్‌ పతాకంపై శివ దర్శకత్వంలో ప్రముఖ నిర్మాత బూరుగపల్లి శివరామకృష్ణ ఈ సినిమా నిర్మిస్తున్నారు. ఈ భారీ చిత్రానికి (సౌండ్‌ ఆఫ్‌ మాస్‌) అనేది ఉపశీర్షిక.  సెన్సార్‌ కార్యక్రమాలు పూర్తయిన ఈ మూవీ మే 25న విడుదలకు సిద్ధమవుతోంది. ఈ సందర్భంలో నిర్మాత బూరుగపల్లి ఆనందాన్ని, చిత్ర విజయంపై ధీమాను వ్యక్తంచేస్తున్నారు.
       ‘‘మా 'దరువు' సెన్సార్‌ పూర్తిచేసుకొని యు/ఎ సర్టిఫికెట్‌ పొందింది. ఈ చిత్రాన్ని మే 25న వరల్డ్‌వైడ్‌గా రిలీజ్‌ చేస్తున్నాం. సినిమా చాలా ఎక్స్‌ట్రార్డినరీగా వచ్చింది. రవితేజ పెర్‌ఫార్మెన్స్‌ హైలైట్‌, ఆయన కెరీర్‌లోనే ఓ డిఫరెంట్‌ కమర్షియల్‌ మూవీ అవుతుంది.’’ అని విశ్వాసం వ్యక్తం చేశారు. గబ్బర్ సింగ్ రిలీజ్ నేపథ్యంలో ఈ మూవీ రిలీజ్ వాయిదా పడిన సంగతి తెలిసిందే.

...avnk