Posted: 04/05/2012 08:37 PM IST

               యాంగ్రీ హీరో డా. రాజశేఖర్ ప్రతిష్టాత్మకంగా తీసుకుని నటిస్తోన్న సినిమా 'అర్జున'. ఈ చిత్రంలో రాజశేఖర్ తండ్ర్రీ కొడుకులుగా ద్విపాత్రాభినయం చేస్తోన్నసంగతి తెలిసిందే. ఈ సినిమా షూటింగ్ దాదాపు పూర్తికావచ్చింది. ప్రస్తుతం క్లైమాక్స్ షూట్ చేస్తున్నారు.  తండ్రి పాత్ర సరసన రేఖ,  కొడుకు పాత్రకి జోడీగా మేరియం జకారియా నటిస్తున్నారు. ఎ.ఎ. ఆర్ట్స్ పతాకంపై రూపొందుతోన్న ఈ సినిమాకి చంద్రశేఖర్ - ఉదయ్ శంకర్  నిర్మాతలు.
               ఈ సినిమాకి సంబంధించిన షూటింగ్ ప్రస్తుతం హైదరాబాద్ లోని రామోజీ ఫిల్మ్ సిటీ లో జరుగుతోంది. ఈ సందర్భంగా చిత్ర దర్శకుడు కన్మణి  సినిమా గురించి మీడియాతో ముచ్చటించారు. ఆవిశేషాలు మీకోసం..
             ‘‘ఫైట్ మాస్టర్ కనళ్ కన్నన్ నేతృత్వంలో ఈ రోజు నుంచి 10 వ తేదీ వరకూ పతాక సన్నివేశాలను చిత్రీకరిస్తున్నాం. ఈ క్లైమాక్స్ చిత్రీకరణలో నటీనటులందరూ పాల్గొంటున్నారు. ఈ ఫైట్ సీన్స్ పూర్తి చేస్తే, ఇక రెండు పాటలు మాత్రమే బ్యాలన్స్ ఉంటాయి వాటిని మే మొదటివారంలో చిత్రీకరిస్తాం. వందేమాతరం చక్కని బాణీలను అందించారు’’. అని వెల్లడించారు.
            80 శాతం టాకీ పార్ట్ ని పూర్తి చేసుకున్న ఈ సినిమాని సాధ్యమైనంత త్వరగా ప్రేక్షకుల ముందుంచాలని దర్శక, నిర్మాతలు యోచిస్తున్నారు.

...avnk