Posted: 02/06/2012 12:30 PM IST

నందమూరి బాలయ్యబాబు వరుస సినిమాలతో యమ జోరుమీదున్నారు. ‘సింహా’ సినిమా ఘన విజయం మొదలు బాలయ్య వరుసగా సినిమాలు చేస్తూ తన సత్తాచాటుతున్నారు. పౌరాణిక పాత్రలు చేయటంలో తన సామర్థ్యాన్ని ‘శ్రీరామరాజ్యం’తో మళ్లీ నిరూపించిన ఈ నటసింహం ప్రస్తుతం ‘అధినాయకుడు’ చిత్ర షూటింగ్ లో బిజీ బిజీగా ఉన్నాడు. ఈ సినిమా షూటింగ్ అవగానే మరో విభిన్న మైన కథాంశంతో తెరకెక్కబోతోన్న ‘కల్కి’ రూపంలో ప్రేక్షకులను పలకరించేందుకు రాబోతున్నాడు.

బాలయ్య నటించబోయే కొత్త చిత్రం ‘కల్కి’ ఈ రోజు అన్నపూర్ణ స్టుడియోలో ప్రారంభం కానుంది. ఈ రోజు మధ్యాహ్నం 2 గంటలకు ప్రత్యేక పూజ కార్యక్రమాలతో ముహూర్తపు షాట్ చిత్రీకరించనున్నారు. ఈ చిత్రానికి రవికుమార్ చావాలి దర్శకత్వం వహిస్తుండగా రమేష్ పుప్పాల నిర్మిస్తున్నారు.

పవర్ఫుల్ యాక్షన్ ఎంటర్టైనర్ గా తెరకెక్కనున్న ఈ చిత్ర స్క్రిప్ట్ కూడా బాగా వచ్చినట్లు సమాచారం. బాలయ్య సరసన పార్వతి మెల్టన్ హీరొయిన్ గా నటిస్తున్నట్లు తెలుస్తోంది. ప్రస్తుతం బాలకృష్ణ నటిస్తున్న ‘అధినాయకుడు’ చిత్రీకరణ పూర్తయిన వెంటనే మార్చిలో కల్కి చిత్ర రెగ్యులర్ షూటింగ్ ప్రారంభమవుతుంది. ఈ ‘కల్కి’ చిత్రం కూడా బాలయ్యకు మంచి విజయాన్ని అందించాలని ఆశిద్దాం..

...avnk