Top Producer Allu Arvind

Posted: 02/06/2012 12:01 PM IST

allu_arvind తెలుగు చలన చిత్ర రంగంలో మరో భారీ చిత్రం నిర్మాణం కాబోతోంది. ఈ ఉద్ధండుల కలయికే అందుకు తార్కాణం. మగధీర, జల్సా వంటి బ్లాక్ బస్టర్స్ అందించిన మెగా ప్రొడ్యూసర్‌ అల్లు అరవింద్‌.. ‘బృందావనం’, ‘మిస్టర్‌ పర్‌ఫెక్ట్‌’ వంటి విజయవంతమైన చిత్రాలను అందించిన దిల్‌రాజు కాంబినేషన్‌లో ఓ చిత్రం రూపొందనుంది.

dil_raju ఈ చిత్రానికి ‘యజ్ఞం’లాంటి కమర్షియల్‌ హిట్‌ చిత్రానికి దర్శకత్వం వహించిన దర్శకుడు ఎఎస్‌ రవికుమార్‌చౌదరి దర్శకత్వం వహించనున్నారు. అగ్ర నిర్మాతలు అల్లు అరవింద్‌, దిల్‌రాజులకు సన్నిహితుడు...‘100%లవ్‌’ లాంటి ఉత్తమాభిరుచి చిత్రం అందించిన నిర్మాత బన్నివాసు నిర్మాణ సారధ్యం వహిస్తున్నారు.

as_ravikumar_chowdary ఆడియన్స్‌ పల్స్‌ తెలుసుకుని విజయవంతమైన చిత్రాలు రూపొందించడంలో తెలుగు సినిమా ఇండస్ట్రీలో ఉద్దండులైన అల్లు అరవింద్‌, దిల్‌రాజులు సంయుక్తం ఈ చిత్రాన్ని రూపొందించడం సినిమా పరిశ్రమకు శుభపరిణామం. కథలు, బడ్జెట్‌ కంట్రోల్‌ వంటి విషయాలలో ఎక్కువ శ్రద్ధపెట్టే ఈ మెగా ప్రొడ్యూసర్స్‌ ఇద్దరూ కలిసి రూపొందిస్తున్నారనగానే ఇప్పటికే ఫిలిం ట్రేడ్‌ మార్కెట్‌లో అంచనాలు తారాస్థాయికి చేరుకున్నాయి.

ఓ యువ హీరో ఈ చిత్రంలో నటించనున్నాడు. ఈ చిత్రం కథను దర్శకుడు ఎ.ఎస్‌.రవికుమార్‌ చౌదరి ఈ అగ్ర నిర్మాతలకు మొదట చెప్పగానే కథ విని ఎంతగానో ఎగ్జయిట్‌ అయ్యారట ఇద్దరు. టాలీవుడ్‌లోనే మంచి క్రేజీ పిక్చర్‌గా రూపొందుతున్న ఈ చిత్రానికి సంబంధించిన ఆసక్తికరమైన వివరాలు అతి త్వరలో తెలియజేస్తామని నిర్మాతలు తెలిపారు. ఈ మెగా మూవీలో హీరోగా నటించే అద్భుత అవకాశం ఏ హీరోకు దక్కుతుందో వేచిచూడాలి.