Posted: 02/06/2012 11:18 AM IST

             కేవలం బాలీవుడ్ నే కాదు, యావత్ దక్షిణ భారత సినిమానూ కొన్నేళ్ల పాటు ఉర్రూతలూగించిన కథానాయిక మాధురీ దీక్షిత్. ఈ అందగత్తెను లండన్ వాసులు ఇకపై రోజూ సందర్శించుకునే అవకాశం రాబోతోంది. లండన్ లోని మేడం టుస్సాడ్ వ్యాక్స్ మ్యూజియంలో ఈ సుందరాంగి కొలువుదీరనుంది.

ఆమె మైనపు బొమ్మను ఈ మ్యూజియంలో మార్చి 7 న ఆవిష్కరిస్తున్నారు. ఇందుకు సంబంధించిన వర్తమానం ఇప్పటికే మాధురీ దీక్షిత్ కి సదరు మ్యూజియం నుంచి అందింది. ఈ మైనపు బొమ్మ తయారుకావడానికి నాలుగు నెలల సమయం పట్టింది. సుమారు లక్షా ఏభై వేల పౌండ్లు ఇందుకోసం ఖర్చు చేశారు.

ఇప్పటికే ఆ మ్యూజియంలో షారుఖ్, సల్మాన్, హృతిక్, ఐశ్వర్య రాయ్, కరీనా కపూర్ వంటి బాలీవుడ్ తారల మైనపు బొమ్మలు అక్కడ కొలువుదీరాయి. కొంత ఆలస్యమైనప్పటికీ ఇప్పుడైనా మాధురీ మాధుర్యాన్ని లండన్ వాసులే కాదు, అంతర్జాతీయంగా ఎంతో మంది విదేశీ పర్యాటకులు సందర్శించే ఆ మ్యూజియమ్ లో కొలువు తీరటం సంతోషదాయకం.

...avnk